Italy ram President tiin aveihnih nak hril sal nak a ngahtu Mattarella hnen Pope Francis in sunloih nak pek (January 30, 2022)

Italy ram President tiin aveihnih nak hril sal nak a ngahtu Mattarella hnen Pope Francis in sunloih nak pek

(January 30, 2022)

            Italy ram ih President tiin aveihnih nak hnatuannak hrangah hril sal mi Sergio Mattarella hnen Pope Francis in a sunloih thu ca in a rak kuat. Lungrualnak nei dingih tuah nakah a hlan hnakin tuah thei vivo ding khalah ruahsan a si thu khal a bet.

            President cu kum 80 asi zo ih me petu 983 sungah 789 me in a neh thu, cui me pek zat cu an nemhnget mi ai ih tam a luan. A tul mi me cu 505 lawng a si. A tu a ngah mi me cu a hmaisa kum 2015 ih a ngah mi me 665 hnak khal in  a tam. A veihnih nak kum hrang  a hril nak ni cu kum 7 ih a hmaisa kum a cem ding ni February 3 ni hlan sung a si.

            Pope in kan dung zarhte ni zanlam ih a kuat mi ca ah a tuvekih ram ih a sangbik sii nak a rak cohlang sak ruangah a lungawi thu, pulhnat a cang ih mi tinkim harsat nak tampi ton caan a siih, a hnget lo mi le tih phan nak tampi hmun tinkim ah, a hleice in hnatuan nak pawl ah hmuh a theih. Cui dinhmun thawn farah zonzai pawl khalin an hrial thei loih an ton caan ah midang bom ding hnakin mai thuhla thawn harsat ton caanah hmun khat ten lungrual nak langter nakah a tuanvo tuan nak an tul deuhdeuh ding thu, ram pi remdiah nak um vivo thei ding thu, President dinhmun khalin duhdawt mi Italy miphun ih unau thinlung din nak, hmailam hmuh ton mi ah ralthat nak nei dingah tuan vivo thei ding ah Pope in thlacam nak thawn a bom ding thu a sim. Himi thuthang cu Vatican thuthang ihsin kan don mi a si.

https://bit.ly/3sax7nV