Jan 28-Feb3 tiang kan ngah mi thuthang lawrkhawm.

Jan 28-Feb3 tiang kan ngah mi thuthang lawrkhawm.

1.Bangladesh Sister in 2022 Mahatma Gandhi ramdaihnak laksawng ngah

2. Pathian thuphuang nak ah thazang rak suah zet tu kum sawmli sung Philippiines ih riantuantu Salesian Puithiam a kum 84 ah nunnak cem

3. Avei 125 nak Plenary assembly hrang Philippines Bishop pawl Manila ah tong aw khawm ding.

4. Cambodia ah Biakinn thar le hramthok tlang phuan

5. Pope Francis Paraquayan President thawn tong aw.

6. India ram ih Union Minister of Minorities in Christian pawl a palh mi lungthlengnak ih puhmawhnak pawl el

7. Pope in Christian  zate hnen ah ziang siarlonak le tisiat nak dodal dingah forhfial.

8. Parish pawl cu mi malte hrangih club asi lo tiah Pope Francis in sim

9. Pope Francis in Congo le thlang Sudan remdaihnak hrangah a tuu khal khual tlawngnak thok.

10. Pope Francis in hmailam caan thatnak hrang tuan dingah ziang tik hman ah thinnau lo dingah forh.

11. Bangladesh pawlpi in mino pawl hrangah national news writing workshop tuah

12. Indonesia ah production and reporting training nei

13. Pope Francis in DR Congo ih mi bawm tu charity pawl tong

1. Bangladesh Sister in 2022 Mahatma Gandhi ramdaihnak laksawng ngah

          Catholic Sister Mary Rina Magdeline Cruze cu fimthiamnak lam ih a hleice mi bawmnak pawl ruangah 2022 Mahatma Gandhi Peace laksawng a ngah. Sister cu Bangladesh ih a tumbik Catholic nunau pawl riantuannak Associate of Mary Queen of Apostle (Santa Maria Regina Apostolum lole SMRA) sungtel a si.

2. Pathian thuphuang nak ah thazang rak suah zet tu kum sawmli sung Philippiines ih riantuantu Salesian Puithiam a kum 84 ah nunnak cem

Philippines ram ah kum 40 lai Pathian thu rak phuang tu Salesian Puithiam cu January 26, a kum 84 ah a nunnak a cem. Philippines ram saklam ih riantuan tu Salesian Puithiam Father Salvatore Putzu cu kum khat lai cancer nat a tuar hnu in a nunnak a liam. Amah cu cauk pawl suahtu le Catholic thuthang tuahnak rak kilkhawi tu Don Bosco ih fapa dik takin raltha zet le thluasuah famkim in a nunnak a rak hmang.

3. Avei 125 nak Plenary assembly hrang Philippines Bishop pawl Manila ah tong aw khawm ding.

Philippines ram huap ih Philippines Catholic Bishop pawl cu avei 125 nak Plenary assembly hrang January 28 -30 tiang Manila ih Pope Pius Xii Catholic Center ah tongkhawmnak an nei ding. Tuitum an ton awk nak ding cu 2020 pulhnat ihsin CBCP pawl mipum in tumhnihnak an ton awk nak a si.

4. Cambodia ah Biakinn thar le hramthok tlang phuan

 Biakinn thar cu Aihre zawng deuh in Pursat khuapi ah an sak ih, nitlak nak lam Phnom Penh khuapi thawn 200km a hla, luanglu lam 50m a sang ih sui zawng thawn tuah mi lukhuh khummi zuk lem a um ih a kut ah kianghrol a keng. Mary Mercy hramthok tlawng cu 2014 ah an thokih a tu 2023 ah kum 8-9 a kim thlang. Pursat ih hramthok tlawng a thok ihsin nauhak 20-30 hrawng khan an sang ih zinglam ah ca zirh nak an nei ih kum 2-3 hnu in tlawngta tampi an ra ih Mara Dominoca Kim SDC an rak thok.

5. Pope Francis Paraquayan President thawn tong aw.

Pope Francis cu Paraquayan president mario Abdo Benitez thawn Vatican ah an tong aw. An tong awk lai ah Paraqua ram ih ahmaisa bik Cardinal a hrilnak ruangah Pope hnen a lungawi thu a sim.

6. India ram ih Union Minister of Minorities in Christian pawl a palh mi lungthlengnak ih puhmawhnak pawl el

        Union Minister of Minorities John Barla in Jan 27, Kolkata ih Peace Rally ah remdaihnak hrang duhphorhnak ah a rak sim. India ram ih um Union Minister of Minorities ih Mr. John Barla in India ram ih thansonak hrangah Christian pawlkom ih bawmnak tampi a rak langsar ter.

          Minorities ih Union Minister in harhdamnak, siizung, kum upa umnak inn, fimzirnak tlawng pawl tawlrelnak thawn Christian pawlkom ih obmnak tampi a rak lawm.

7. Pope in Christian  zate hnen ah ziang siarlonak le tisiat nak dodal dingah forhfial.

Pope Francis in tuahmawhnak ziang ih kan siar lonak hi ‘tisiatnak’ a si ih Pathian dodal mi a nasa zet mi tumtahnak in Pathian a riahsiat ter tiah hngetkhoh zet in a rak sim. “Christian ka si ti aw nacing in ralbuainak pawl le tuahmawhnak pawl a tuah tu pawl hmuh a theih” tiah Pope Francis in a rak sim. Pope in “thlarau lam le Theology lam kan thansonak thawn ralbuainak le dik lonak dodal dingah phunzai a ngah lo,” tiah a rak sim.

8. Parish pawl cu mi malte hrangih club asi lo tiah Pope Francis in sim

 Pope Francis in kan zaten ralrinnak in pek duh mi cu luhnak hrangah hleice tak ih tulsam mi pawl a um lo. Ziangah tile “Parish pawl cu nunphung lam ih neih mi vek cekci pakhat pek mi, mi malte hrangah club pakhat a si lo,” ti a si.

9. Pope Francis in Congo le thlang Sudan remdaihnak hrangah a tuu khal khual tlawngnak thok.

Pope Francis cu Pathian thuphuang nak in ramleng a khualtlawn nak avei 40 nak cu tlawngkai nihnih ah rome ihsin a feh ih a khualtlawnnak cu ni 6 (Jan 31-Feb 5) tiang a rei ding. Pope in hi mi Africa ram pawl a tlawnnak cu " remdiahnak hrangih a khual tlawnnak a si ih amah thawn rualremnak le ruahsannak nei dingah a si.

10. Pope Francis in hmailam caan thatnak hrang tuan dingah ziang tik hman ah thinnau lo dingah forh.

          Pope Francis in mino pawl le Pathian thusimtu saya pawl hnenah an ram ih hmailam caan thatnak hrang tuahtuannak ah ziangtik hman ih thinnau lo dingah a rak forhfial.

11. Bangladesh pawlpi in mino pawl hrangah national news writing workshop tuah

          Bangladesh ih the Episcopal commission for youth and Christian communication center CCC in Jan 26-28 tiang Dhaka ah vei 30 nak National Writers workshop an rak tuah. Himi cu cangan thiamnak thangso dingah Christian mino pawl thazang pek ding tumtah nak thawn tuah mi a si.

12. Indonesia ah production and reporting training nei

          Indonesia national office of social communication OSC le Jayapura Diocesan OSC kom aw in Jan 30-31 tiang content production and reporting training cu Indonesia ram Merauke Archdiocese ih St. Nicholas seminary ah an tuah.

13. Pope Francis in DR Congo ih mi bawm tu charity pawl tong

          Pope Francis in Kinshasa ih mibawm tu charity aiawhtu pawl tlawngkai nithum ah a tong ih man a nei zet mi an riantuannak rungah lungawi thu a sim ih hmailam  khal ah DRC le Africa congtenent thangso nak hrang thazang suah dingah a forhfial.