Jerusalem ah Biaknak lam hruaitu pawl thlacam tlangnakin harsatnak caanah lungrual nak an lang ter. April 23, 2020

 Jerusalem ah Biaknak lam hruai tu pawl thlacam tlangnakin harsatnak caanah lungrual nak an lang ter.

April 23, 2020

          Biaknak dangdangih aiawh tu pawl in Jerusalem ah nithum ni zaanlam ah  thlacamnak an nei tlang. Cumi ah Jewish, Christian, Muslim le Druze pawlih ai-awh tu pawl an tel. An mai tong a si mi Hebrew, Arabic le English tongin thlacam nak an nei tlang.

          An thlacam mi cu, "Hi natnak ruangah mi zalenglo an thi-ih, a thawnthawngin mitampi in nat nak an tuar rero a si. Maw Bawipa, in run hram aw. A dam lo tu pawl dam nak run pe sal awla, hi leilungpi hi pulhnatnak ihsin run hram aw," tiin thla an cam tlang a si.

          Minute pathum lawng rei mi thilcang cu catbang loih mahtelawng sual cawh kuan tuar ih, tel dingah le, biak nak lam ih zum tu pawl, on dingah internet par ah an tar lang a si.

          Cumicu Saam 121 ih Jerusalem ih Pathian thu zum tu pawl in Pathian ih humhim nak tangah um in, thluasuah an dil nak thu a si. Isarel ah, hi saam cu April 28, hmaikar nihnih ni ih an tuah ding mi thah a tuar tu Israel ralkap pawlih an thih ni hngilh lo nak ah khal an cam ding a si.

          Jerusalem ih zumnak lam ih hruaitu Archbishop Pierbattista Pizzaballa in, "Corona virus in ramri a neilo," "Biaknak, miphun le ramkhel par khalah ramri a neilo,"tin a sim a si.

          Biaknak lam thureltlang nak ih thukamnak tuahtu British Rabbi David Rosen  in santhuanthu pawl thawn pehpar mi thurelkhawmnak ah a rak sim fiang a si.

          British Rabbi David Rosen  in hi Biaknak lam ton khawmnak , thu rel tlangnak, thlacam tlangnak cu san thuanthu thawn pehpar aw mi a si vekin thu pi zet in a rak sim a si. Biaknak lamih hruai tu pawl cu a veikhat nak ton awk nak a si ih  Divine Mercy le Pathianih zaangfah lainatnak a si. Hi ti vekih harsat buainak, pulhnat ton caan ah camtlang thei seh la tiah thurelkhawm nak ih a thawh nak ah a rak sim a si.  Hi mi thuthang hi Vatican thuthangin kan ngah mi a si.

https://www.vaticannews.va/en/church/news/2020-04/interreligious-prayer-...