Jesuh Khrih lem nung ih Bawi Jesuh ih lem a rak cang tu in lem a cang bet ding tiin a sim. September 25, 2020

Jesuh Khrih lem nung ih Bawi Jesuh ih lem rak cang tu in lem a cang bet ding tiin a sim. September 25, 2020

         Leitlun hminthang “Jesuh Khrih ih harsat nak lemnung cannak” ah Bawi Jesuh dinhmun in lem rak cang tu Jim Caviezal cu zuk sal ding mi Bawi Jesuh a nun lai lemnungah lem a cang ding tiah tu bai te ah a rak sim.

         Director in lemnung a ngan mi a kuat zo thu cu mi cun a rak sim ih cui lemnung cu “Jesuh Khrihih harsatnak le a thawhsalnak” tiin hmin an pekih Bawi Jesuih thawhsalnak le dungthluntu pawl ih ton mi thawmhuham pawl tel in a zuk ding tiah a sim.

         Cui hleiah Herod Siangpahrangih ton mi mangbangza thil pawl le Pasca caan ah Jerusalem khuapi ih thilcang pawl khal a tel dingih lemnung thuanthuah a lar bik mi lemnungah a cang thei ko ding tiah an ruat.

         Bawi Jesuh dinhmun in lemcangtu a si-ih Bawinu Maria dinhmun in lemcangtu ding Maia Morgenstin le St. John, St. Peter pawl dinhmun ih lemcangtu pawl khal in lemnung thar ah an tel ding thu a rak sim.

         Cui lemnung cu Israel, Morocco le Europe kiangkapah an zuk sal dingih Italy ram, Rome khuapi kiangkap ih hminthang zet mi hmun pawl ah khal an zuk tum. Cui lemnung cu 2022 sungah a suak thei ko ding tiin khal an ruat.

Hi thuthang cu 25 September 2020 ah Aleteia thuthang ih kan don mi a si.

Photo courtesy of: Franciscanfriars Facebook

https://bit.ly/3iaDikP