Jesuh Khrih suahni mangsal ih tuah mi 2022 ih Christmas puai le 2023 kumthar pawl tuahnak thawn pehpar in Kalay Catholic Diocese hotu Bishop ih thangphawknak le thusuah mi.

Jesuh Khrih suahni mangsal ih tuah mi 2022 ih Christmas puai le 2023 kumthar pawl tuahnak thawn pehpar in Kalay Catholic Diocese hotu Bishop ih thangphawknak le thusuah mi.

          Kalay Catholic Archdiocese sungih um Puithiam pawl, Sr. pawl le zumtu kohhran fale uh!

          “Lungawi mi pawl thawn lungawi tlang uhla riahsia mi pawl thawn tap tlang uh” tiin (Rom 12:15) sungih Mithianghlim Paul ih in sim vekin Christmas tikcu caan le kumthar puai pawl cu lungawinak tikcu caan a si ko nan tui ton rero mi dinhmun ruangah a thuailam vekin forhfialnak ka suah a si.

1. Carol hla pawl thawn thuthangtha hlawmnak, Parish in siseh, khua in siseh, veng in siseh, sungkhat nai pawl thawn sungkua in nuamnak tuah nak, mai inn ah siseh, Biakinn ah siseh, awn-mawi pawl thawn soundbox pawl hmannak, lenglam ceimawinak pawl tuah lo dingin,
2. Puaipi ni pawl hrangah Biakthawinak thawn pehpar mi tidaan vekin timtuahnak le Christmas Crib pawl Biakinn sungih timtuahnak siar lo a dang timtuahnak pawl tuah lo dingin,
3. Mai thinlung sungah Jesuh Khrih um ter mi pawl thupit in tuah phah in, Bawipai’ Thi le Sa upatnak, Bible siarnak, Rosary camnak, Novena thlacamnak pawl tuahnak, lainatnak thawn hlawmnak pawl cu mi tha Samaritan vekih tuahnak thawngin puai pawl hmang dingin.

Jesuh Khrih ih hmin in

Msgr. Felix Lian Khen Thang

                                                                             Bishop of Kalay Diocese

Adventu tikcu caan Zarhpi ni veikhatnak

Nov 27, 2022