Jesuit pawlih thuhla ngannak ca uk cu hmailam ih tesin fa pawl hrangah zir ding tampi pek

Jesuit pawl ih thuhla ngannak ca uk cu hmailam ih tesin fa pawl hrangah zir ding tampi pek

          Jesuit a tinkaing’ tiih mi theih tam zet mi ‘Bawi Jesuh ih rualpi pawl’ ti mi kaing cu 1534 ah an rak din. Cui sin thok in Jesuit Puithiam thawng za leng lo pawl in an mah zohthim tlak mi nunram thawn leitlun ih um mi minung pawl ih nunram phunkhat ah an rak tleng ter ih an rak zirh. Tahthimnak ah hi mi a tinkaing rak din tu St. Ignatius, St. Robert Bellamine, St. Francis Xavier pawl vek ih hminthang zet mi pawl an um vek in mi theih mal mi Rupert Mayer, Alfonso Dominguez, Nocholas Owen pawl khal an um. Nicholas Owen cu Jesuit a tinkaing sungtel a sin an Puithiam a si lo. Jesuit kaing ih kumkhua thukam pathum a lak tu Brother a si. A nunram thu a thei tu an mal. A mah cu Biaknak lam ralbuainak pawl hrial in beunak hmun tampi himnak a rak pek thei ko nan hmin thatnak signboard a um lo.

          Nunram ih a thupi zet mi cu hminthannak a si lo. Mah le mah humhim awknak, ral hrial nak a si lo. Bawi Jesuh kha nunram ih a laifannak ih ret ding a si. An suah mi ca uk hmin cu ‘Jesuit, kan mah in zirh in tleunak in pe tu’ ti a si. Jesuit pawlkom sungtel 40 luan ih ‘ziang hmuahhmuah duhdawt aw. Mitin rian aw’ ti mi motto a rak langsar ter tu nunram pawl a lang ter. Hi mi ca uk cu kaing sungtel pawl ih pek thei mi a tumbik mi thuzirhnak pawl a si. A hleice in tu vek tikcu caan vek in pulhnat sia a thlen caan vek ah ‘tikcu caan ih thiltha pawl’ tiih khaisangtu pawl an si. An mah in an thinlung sungih um tu Thiang Thlarau ih thangphawknak cu ralring ten um in cu ti theih nak thawn midang khal Pathian tong aw thei dingah a bawm thei.

          Hi tiin an mah cu a ropi zet mi biakthawinak thawn Mithianghlim ih than ngah mi siseh, than lo ah siseh an zaten Mithianghlim an si zo. St. Peter Canisius, Fr. Pedro Arrupe pawl ih nunram vek hmuh a si le an mah cu Mithianghlim ih nemhnget an si hlan in Mithianghlim pawl tiih upat zet mi pawl an si. Hi ca uk sungih tarlang mi zo vek khal ziang vek dinhmun ah siseh Pathian hmu thei in cohlang thei tu pawl an rak si. Cahmai tinkim ah khal zuk pawl thawn Jesuit pawl ih a bang aw lo mi nunram an hman daan zuk pawl tarlang a si. Cu vek in an mai hmel le hmin pawl tarlang a si. Zuk fate an telhnak cu an nunram khal cu tiin ruahnak nei dingah an mai thlennak ih Pathian rian an rak tuannak hmun cu ziangvek a si ti lang ter duh ah a si.

          Hi tiin Pathian riantuantu pawl cu kan thinlung thatho ter in nun khua in sak ter. An mai nunram pawl cu tui ni tiang in zirh ding le thangphawk ding a tang lai.Hi mi thuthang cu Rome Reports thuthang ih kan ngah mi a si.

Rome Reports - https://bit.ly/3rO8ug6