Jew Biaknak lam hotu in Kazakhstan ih a thleng tu leitlunhuap Biaknak lam hotu pawl hnenah remdaihnak khaisang dingah forhfial. (September 22, 2022)

Jew Biaknak lam hotu in Kazakhstan ih a thleng tu leitlunhuap Biaknak lam hotu pawl hnenah remdaihnak khaisang dingah forhfial.

(September 22, 2022)

          Jew Biaknak lam hotu Rabi Marc Schneier cu Kazakhstan ram ih tuah mi vei (7) nak leitluhuap Biaknak lam hotu pawl congress ih caanserh ah thusimtu pakhat a si. September (13-15) tiang leitlunhuap hmun dangdang ih leitlunhuap Biaknak lam hotu pawl an thleng ih minung zate ih mansalnak le leitlunhuap Biaknak phunphun in mah le mah theih thiam awknak, khat le khat upatawknak khaisan daan pawl an rak rel tlang.

          Jew Biaknak lam hotu in zumnak bang awlo mi Biaknak pawl ih congress tuah dingih thupit zia, Biaknak lam hotu pawl ih hohanak dik zet in a suak mi thatnak pawl thuhla, nunphung pawlkom huap rero mi pawl dodal dingah, leitlunhuap remdaihnak din dingah a si. Vatican ih thuthang latu, Deborah Castellano Lubov in Biaknak lam hotu pawl thu a simnak ah vei (7) nak leitlunhuap Biaknak phunphun congress cu san a nei tuk. Ziangah tile Muslim Biaknak sungtel tambik umnak ram ah an rak tuah. Khat lam zawngah Kazakhstan ram in zumnak bang aw lo mi Biaknak khat le khat thu reltlangnak nunphung a cohlang thu, tuah tlangnak a si tiah a sim.    

          Pope Francis in hi congress ih umnak, leitlunhuap hotu pawl in a forhfialnak cu tui ni milai lak ih ton rero mi palhnak pawl hrial dingah congress ih a tel tu pawl thazaang a rak can ter tiah a rak sim. Rabbi dinhmun in tui kum ih caanseh le a hlan kum pawl ih caanserh dangawknak khal tu vekin a ruat. A aw ring tawk in Biaknak lam hotu pawl ih theihtheinak, sambaunak khal a um thu, Russia ih Ukraine donak cu thla (7) sung a si zo mi dinhmun ah tu vekin leitlunhuap Biaknak lam hotu pawl ih congress  tuahnak thawn biaknak lam hotu pawl, biaknak lam dinhmun in harsatnak can reronak hmun pawl ah remdaihnak khaisang ih tuah a tul tiah a sim.

          Ralbuai thawn pehpar in Pope Francis ih tu le tu zaangfah dil mi cu leitlunhuap ih a karh lawng a si lo. Russia ram ah khal a karh. Ziangah tile tui leitlunhuap biaknak phunphun congress ah Russia Orthodox Biaknak lam hotu a rak tel lo. Rabi cu hi congress caantha ah lak in biaknak khat le khat tonawknak hnatuan ih thansonak khal a rak sawhkhih. Biaknak khat le khat um tlangnak cu tipi kulh ram pawl le a dang ram pawl a thupit.

          Zumnak ih pipu a si mi Abraham ih inn nemhnget mi Abu Dhabi ih inn ah Christian Biakinn, Muslim Mosque, Jew miphun pawl hrangah thusimnak pakhat lawngah a sak. Hi hnatuan cu a tlaitluang tuk. A liam zo mi kumhra ah ruah ban lo mi thuhla pakhat cu tui san ah a phorhsuak thei. Tui ni kan zum mi pakhat (mipi zumnak pakhat) lawng hlawmnak a si lo. Mipi vanthatnak khal an hlawm.

        Hi hnatuan cu kan mai pakhat lawng a si mi tumtahnak khal thazaang, lainatnak, khat le khat sunnak si ter a tul. Mitin in a bang aw lo mi Biaknak lam sim a theih. Asinan, kan mai Biaknak lam zumnak tuah sak a ngah lo. Tuah theinak khal a tul lo. Hi dinhmun tiang  thlen thei a si le leilungpi ton rero mi harsatnak pawl, ralbuainak pawl, do tuarnak pawl a demdeuh ding thu a rak sim.

          Hi thuthang cu RVA thuthang ih kan ngah mi a si.

https://bit.ly/3UIPdL5