Joan Roig Diggle Mithianghlim si nakih dinhmun pakhat ih nemhnget nak Mass cu Barcelona ih Sagrada Familia Basilica ah an tuah. November 7, 2020

Joan Roig Diggle Mithianghlim si nakih dinhmun pakhat ih nemhnget nak Mass cu Barcelona ih Sagrada Familia Basilica ah an tuah.

November 7, 2020

         Kum 19 a si mi Bawi Jesuih Thi le Sa humhim lai ih a nunnak a rak liam tu Spanish martyr cu Barcelona ih Sagrada Familia Bacilica ih Zarhte ni Mass ah Mithianghlim si nak ih dinhmun pakhat a si mi (beatify) an rak tuah.

         Pope Francis in, “Mizaan, Barcelona Joan Goig Diggle cu kohhran mipi lak ihsin thah a tuar tu Martyr pakhat a si ih a kum 19 ah Spain ih khuapi sung ralbuai nak ih thah a tuar tu a si,” tiah November 8 ih Angelus thlacamnak ah a rak sim.

         "Zohthimtlak a si nak cu mitin kim a thupibik in Christian nunram famkim ih a nung duh tu mino pawl khaisang hram seh,” tiah Pope in a rak sim.

         Libertarian mino pawl in 1936, September 11 ni ah a thinlung le a lu pawl ah voinga kah a tuar nak hmun, Santa Coloma cemetery ah an hruai.

 Joan Roig ih netabik a tong mi cu “Ka lo ngaithiam vekin Pathian in lo ngai thiam ve hram seh,” ti mi a si.

         Mithianghlim a cang ding tiih zum mi Joan Roig cu November 7 ni ah Barcelona archbishop, Cardinal Juan Jose Omella in mino ih thuhla thuthangtha ih a sim mi cu “the Social Doctrine of the Church” ih thungai tu le “Bawi Jesuh le a unau pawl”  a duhdawtnak teettte khan mi pakhat thawn tui san mino pawl a bawm a si.

         Spain ih the apostolic nuncio ih Bishop Bernardito Auza le archbishop emeritus of Barcelona, Cardinal Luis Martinez Sistach in covid-19 karh lo nak hrang humhimnak vek in rikhiah tuah vek in Mass raithawinak an rak tuah.

         Hi thuthang cu CNA thuthang ih kan ngah mi a si.

https://bit.ly/32txaPz