Joe Biden in ‘Bus on the Nuns’ ih hminthannak zalennak tacik thawn Sr. Simone Campbell sunloih ding. July 03, 2022

joe_biden_inbus_on_the_nun_hmin_thannak_zalennak_tacik_thawn_sr_simone_campbell_sunlawih_nak_pe_ding

Joe Biden in ‘Bus on the Nuns’ ih hminthannak zalennak tacik thawn Sr. Simone Campbell sunloih ding.

July 03, 2022

         President Joe Biden in hmaizarh ah Catholic Sister pakhat cu ram ih a sangbik mi ram mipi sinak thawn sunloihnak laksawng a pek ding. Simone Campbell, S.S.S in President ih zalennak laksawng tacik a cohlan ding thu White House in tlawngkai ninga ah a rak than. Sr. Campbell cu kan dungkum a colh caan tiang Catholic nunphung zalennak pawlkom rak hotu a si.

         Sr. Campbell cu ‘sumdawnnak lam thudik, milai sinak hoha in remnak le harhdamnak kilhimnak hrang langhngan ih lungkim tu’ tiin a tarlang ih White House ih thuthan sungah cui laksawng cu ‘hlawhtlinnak ih zohthimtlak, man neih ter nak (lo le) United State ih himnak hrangah, leitlunhuap remdaihnak (lo le) a dang a thupi mi nunphung pawlkom, mipi le bulpak ih zuamtu tiah a tarlang.

         Sr. Cambell cu July 07, White House caanserh pakhat ah medal laksawng pek ding mi 17 sungin pakhat a si. “Hi mi American mi 17 pawl cu a cang thei mi thazaang lang ter in ram ih thinlung thlarau- hnatuan zuamnak, cawl lo ih zuamnak le zumnak pawl a khawm” tiah thuthan ah an tarlang. An mah cu kutthiam le science ah zohthim tlak mi hlawhtlinnak ngah dingah a langsar mi harsatnak rak pahsuak in kan mah lak ah a mal, a tam tiin thanau mi pawl thangphawk dingah an nunram ap in, an pawlkom le leitlunhuap ah thlengawknak pawl forhfial dingah raltha zet in an rak tuan.

         Sr. Campbell in twitter ah ‘ruahban lo mi nemhngetnak thawn ziang tinkim hrangah daan tuah thei dingin kan ram ih um mipi pawl ih hmuhton mi pawl khaisannak ih a thupi mi hnatuan langsar mi thinlung tak in ka sunloih tiah a rak sim. Ram politic ih nel mi Sr. Campbell in 2012-2020 ah Democratic National Convention 2 a rak sim.

         A mah le a dang Sister pawl US ih um caanserh za leng lo ih hruai tu “nuns on the Bus” pawlkom a rak din. Sr. Campbell cu 2010 ih rak nemhnget mi sumpai ti thei mi kilhimnak rak lungkim tu a si ih kan dung rei lo te ah Catholic mipi pawl in President Trump mee pe dingah 2020 hrilawknak ah a rak tel.

         A dang cohlang tu pawl cu Olympic zuamtu simone Biles a tel. Siivai lam zingzoinak lam ah hmaisabik covid-19 humhimnak rak ngah tu a thupi mi kilhimnak ih nurse, Sandra Lindsay le kan dung kum ih a thi tu hnatuan tu pawl hotu Richard Trumka pawl an tel.

         Lemcangtu Denzel Washington, Fr. Alexander Karloutsos, the Greek Orthodox Archdiocese hlun America le a thi zo tu tlunlam hluatdaw upa John McCain khal laksawng an pek ding. Hi thuthang cu RVA ih kan ngah mi a si.  

https://bit.ly/3bRkTMw

Add new comment

7 + 6 =