June 3 ah India ram, nisuahnak lam ih Jharkhand ramthen ah Motor cangsualnak pakhat ah unau suakkhat a si mi Sister le Puithiam nunnak cem. (June 6, 2024)

June 3 ah India ram, nisuahnak lam ih Jharkhand ramthen ah Motor cangsualnak pakhat ah unau suakkhat a si mi Sister le Puithiam nunnak cem. (June 6, 2024)

St. Ann of Providence (SAP) ih sungtel Sr Nirmala Kujur le Jharkand ih Puithiam a si mi Fr Theodore Kujur  tei cu an tu le pawl thawn motor in khual an rak thlawng. Jharkhand ah Sr Nirmala ih inn ah holiday a lak nak ah riahsiat za pakhat an tong. Sr. Nirmala cu kum 42 a si ih Fr Theodore cu 54 a si. An tupa te kum 12 khal cui hmunah an nunnak a cem ve.

Jharkhand diocese sungih Khora Jamtoli khua kiangah an to mi motor cu Bus car thawn an lu veve in an pah awk ruangih a cang mi a si.

Hi mi thil thalo an ton mi thuthawn pehpar aw in SAP sungtel a si mi Sr Jessy Kurian in a rak sim mi cu kan ni cu kum note lai ih a khaizang zet mi Sister pakhat kan sung tiah a rak sim. Hi mi thuthang cu rva thuthangin kan don mi a si.