Kaih tuar mi Nicaragua Bishop hnen Cardinal feh (August 20, 2022)

Kaih tuar mi Nicaragua Bishop hnen Cardinal feh

(August 20, 2022)

          Nicaragua ram, Managua Diocese ih Archbishop, Cardinal Leopoldo Brenes cu Nicaragua ram ih thuneitu a cozah, Daniel Ortega ih kaih tuarnak, Matagalpa Diocese ih Bishop Rolando Alvarez ah a rak feh.

          Bishop cu August 19 ah kaih a rak tuar ih cui hnu rei deuh ah tu vekih a rak tlawnnak a si. Cu vekin an tonawk hnuah Archbishop hnenin thuthan pakhat a rak suah. Thuthan sungah tui kaih tuartu Bishop thawn bangraan ih a tuar thu, Bishop ih diocese thawn khal naihniam ten a um thu a tarlang. Bishop cu inn sungah khum in kaih a tuarnak a si. Archbishop in khal tu vekih dik lo nak tlaitluang ten pholang in a dinpi ruangah khal Nicaragua ram ih Catholic dinhmun in khal upatnak thawn a tarlang.

          Kaih tuar mi Bishop ih Diocese hruaitu ih Kohhran mipi pawl cun thlacamnak hi Christian pawl ih thazaang a si. Curuangah Jesuh Khrih hnenih cat bang loin thlacam dingah a forhfial. Hi mi tuuruun pawl khal a humhim sak ding thu, tu vekin a hnok zet mi dinhmun ah thuneitu a sung peknak khal a si lo; thudik humhim daan tawlrel a tul thu khal kohhran mipi pawl in an duh mi khal telh in an sim.

          Ralkap pawl ih sim vek a si le kaih tuar mi Puithiam le Brother pawl cu ‘El Chipote’ thawnginn ih an kuat thu, cui thawnginn cu Nicaragua thuneitu president a dodal tu pawl hremnak ah hminthang zet mi thawnginn a si.

          Bishop ih thuhla thawn pehpar in cawhkuan peknak ah cawhkuan pahnih a si thei thu, pakhat cu ram ih dawinak lole thawngthlaknak pawl a si thei thu lawyer Martha Patricia Molina Montenegro in August 19 ah a rak sim. Ziangvek khal sisehla ram ih dawinak pek ding mi cawhkuan a cohlang lo ding thu, cu vekin a mah thawn kaih rak tuar tu Puithiam pawl, Brother pawl hremnak ah hminthang zet mi thawnginn ih kuat an tuar thu an theih ih a besia ding tiah a sim.    

          Hi thuthang cu National Catholic Register ih kan ngah mi a si.

https://bit.ly/3dToR8r