Kanmah pawl cu Bawi Jesuh ih tumtah mi tuahsuak dingah sersiam kan si. November 22, 2020

Kanmah pawl cu Bawi Jesuh ih tumtah mi tuahsuak dingah sersiam kan si.

November 22, 2020

            Pope Francis cu zarhpi sunih puaini asimi Jesuh Siangpahrang Puai Missa raithawinak a tuah. Pathian thuthangtha a sim mi ah "kanmah pawl cu hi leitlun ah Pathian ih tumtah mi tuahsuak thei dingah sersiam kan si thu" mino pawl a thang phok. Pope Francis cu thlarau thawn pehpar mi Pawlpi ih netabik zarhpi sunah kumtin tuah ringringmi Jesuh Siangpahrang puai ni cu St.Peter biakinn pi ah an tuah. Cui niih Gospel Cathianghlim hmang in Pope cu Pathian thuthangtha simnak cu Bawi Jesuh a sim mi ninetabik thuthen nak thu a sim.

            Bawi Jesuh cu thinglamta parah kanmah pawl hrang a duhdawt nak a langter hlan a netabik duhmi cu a hlawm. A nautabik mi ka unau pawl rilrawng siseh, tihal siseh, mi khual siseh, bom a tul tu mina pawl le thawngtla pawl hnenih thiltha tuah nak cu a hnen ih tuah asi thu Bawi Jesuh in a sim.

Pathian ih tumtahmi tuah suak nak

            Kan zaten himi hnatuan hi kan tuah suak le tuah suak lo mah le mah kan check aw thei. Bawi Jesuh cu "hitawk hmun ah ka um" timi tongfang cu thupi zet ih a simnak cu Bawi Jesuh cu "himi minauta bik pawl hnen a um thu" a ti duhsan ti-in Pope in a sim. Ahleicein Pope Francis in mino pawl cu a tummi tumtahnak tlansan hlah uh. Tul mi thil hrangah nuam zet in um hlah uh, kanmah pawl cu Pathian ih tumtahmi pawl hi leitlun ah tuah suak dingah sersiam kan si" tiin ralrin nak pe in a sim.

A tha deuh mi hril thiam nak

            Pope in "kanmah pawl cu himi thil cu hril in kan tuah thei. Bawi Jesuh cu kan mah pawl ih hril mi parah bun aw in thu a then ding. Huatawk nak le thil tha lo hril asile kanmah pawl cu ziangtik caan khalah kan lungawi duh lo ding. Asinan Pathian kan hril asile a duhdawt nak ah nitin thanglian in midang pawl par duhdawt nak nei in duhdawt dingah hril asile kanmah pawl cu a hman mi lungawi nak kan hmu ding" tiin a sim. Dawn kham tu pawl cu kan hril mi pawl harsat nak a cang ter tu thil pawl an siih tih nak, a him lo mi, a san a leh ngah lo mi thusuh nak pawl khal a tel thu Pope in a sim. Asinan duhdawt nak cu "ziangruangah ka nungih zo hrangah ka nung" timi thusuh nak khal suhawk tul lo dingah duhdawt nak cu harsat nakin pah suak ter thei. Pope Francis in nunram hril nak timi cu a tu lei tahrat in a tu hlon timi nunphung dodal nak le kan nunram cu vancungram colhhmun lamzinah Pathian ih tumtah mi lam ah feh thei dingah, a tui thil zaten neih duh nak a ti duh san" tiin a sim fiang.

Na hrangah ziangmi a tha bik

            Pope Francis cu that nak le lungawinak hrangah a zuamtu pawl hrangah netabik ruah nak pakhat a pe. Nitin thiltha thil sia hril tikah kanmah pawl cu "ziang mi ka duh" timi thusuh nak sutawk ding a si lo. "Ka hrang ziang a tha bik" timi mah le mah suh awk a tul. Himi cu thlarau thianghlim thinlung sungah ret in sut dingmi thusuh nak a si tiin a sim. Pope Francis in "thinlung sungih thleidan thiam nak pawl cu felfai zet in hril nak asi lole kannunram a rem tu thubot cat nak asi thei" tiin a thusimnak cu a cem ter. "Bawi Jesuh ih mithmai zoh in kan hrang ah thil thabik hril thei dingah le duhdawt nak lamzin in Jesuh Khrist dungthlun thei dingah dil tlang uh si. Himi tuah nakin kanmah pawl cu lungawi nak kan ngah ding" timi sim in Pathian thuthangtha sim nak cu a cem ter. Himi thuthang cu Vatican thuthang ihsin kan ngah mi a si.

https://bit.ly/3639Vhx