Kawl ram ih Dominican Brother pathum kumkhua hrang thukamnak an la. August 12, 2020

Kawl ram ih Dominican Brother pathum kumkhua hrang thukamnak an la. August 12, 2020

         Kawl ram ih Dominican Brother pawl a si mi Stephen Saw Lej Kapaw Htoo, Marko Thoe Reh le Francis Bu Ling pawl cu kan dung August 8 niah Hongkong, Kawloon Tong hmai ah an nunram cu Dominican pawlkom ih thlun mi daan vekin Pathian rinsan mi kan nunnak kan hlan tiin thukam nak an rak tuah.

         Thukam nak lakah programe cu zing nazi pasarihah Morning Mass an rak thok. Missa raithawinak cu tuanvo nei tu Fray Bonifacio Garcia Solis in hoha in raithawinak a rak tuah. August 8 cu Dominican kaing rak din tu St. Dominic ih Puai ni khal a si.

         Missa raithawinak hoha tu an pawlkom ih upa in dam sung hmuahhmuah hrang thukam nak a tuah tu Brother pathum pawl le Brother pawl ih nu le pa pawl hnenah a lungawi thu, nan mah a lo ko tu Pathian cu lungawi thusim a tlak thu, Pathian in thluasuah  lo burh in lo bawm hram seh.

Tleu nak lo pek seh, a taang lai mi tikcu caan khalah  lo kilkhawi bet seh, Pathian cu nan zaten a lo ko tu a si thu, curuangah nan nun sungah a mah zumnak thawn rinsan uh.

         Mi hrang ah tuan uh. Ap aw uh. Thlacam nakah tha tam tu si in pawlkom thawn um thiam hram uh. Hi mi pahnih cu Dominican pawl ih nunram ah a har ah zet mi a si. Ziangah tile Dominican pawlkom cu innsang taktak a si.

         Mi tampi thawn thlacamnak pawl lawng si lo in mah lawng ih tuah tul mi thlacamnak pawl khal tha suah in tuah ding a si ih a rit zet mi tuanvo pakhat khal a si. Mai that nak ding lawng ruat lo in mi that nak tuah dingah zuam uh.

         Ton lai ding mi harsat nak, a remcang lo mi pawl hrangah timtuah uh. Nan tha nau ter hlah uh. Ton mi dinhmun pawl ruangah nan mah le nan mah nat nak tuar mi vekah thleng ter hlah uh.

         Tu ni ah nan nih cu nan dam sungah thukam nak nan tuah ding a si. Hi vek ih tuah nak cu nan mah le nan mah pawlkom ih thlun ding daan thawn hmun khat ih nung thei dingah ap awk nak a si ih pawlkom ih thlun ding daan ih lam hmuh mi hmuahhmuah silhkhah tikah fialcop mi vek in ruah ding cu ka tha lo.

Mai bot cat nak thawn zalen zet in hril ding ka lo duh sak. Dinhmun ih zirih tuah mi thukam cu a dik lo vekin hlawhtlin nak khal a um lo.

         Tu ni ah hi thukam nan lak nak thawn in ziang vek thupek nak le tuah lo theih lo tiih fial  nak a um lo thu pawlkom sungtel pawl ih kawh nak nunram cu nan thih tiang rin um zetin kilkhawi ding tiin tim tuah nak nan tuah zo.

         St.Thomas Aquinas ih tong mi hngilh hlah uh. A mah in “nan mai nunram thawn a bang aw mi nan u pawl ih tulsam mi pawl khal ziang ah siar lo in um men hlah uh. Bawm a tul le man cia ringring uh.

         Ngai a tul le ngai sak uh. Pakhat ih sambau nak, sual nak, palh nak le famkim lo nak pawl ngai dam dingah ruat ciamco hlah uh. Ziangah tile Vancung ih a um mi kan Pa thlacamnak ih kan cam vek in midang ih sual nak ngai thiam le mai sual nak pawl khal ngai thiam kan tong ding tiah sim phah in a thu sim a cawl.

         Hi thuthang cu 12 August, 2020 ah Vatican thuthang ih kan ngah mi a si.

https://bit.ly/3kRSXs3