Kawlram hrang thlacam dingah Vatican tualrawn ah Pope Francis in zaangfah a dil. May 2, 2021

kawlram_hrang_thlacam_dingah_vatican_tualrawn_ah_pope_francis_in_zaangfah_dil.jpg

Kawlram hrang thlacam dingah Vatican tualrawn ah Pope Francis in zaangfah a dil.

May 2, 2021

          Pope Francis in Zarh tin, Zarhpi ni Vatican St. Peter tualrawn ah khawmzawhtu mipi thawn sun ah Angelus thla an rak cam theu ih hi ni thlacamnak ah cun Pope in Kawlram hrangah a hleice in thlacam sak dingah tualrawn parih saangkate in zaangfah a rak dil.

          Bawinu upat nak pek nak May thla a thok zo ih Marathon a hleice ih thlacamnak tumtah mi hi thla cu Kawlram remdaihnak le remawk sal nak ngah dingah thla cam sak uh si tiin khawmzawntu pawl le leitlunhuap hnenah zaangfah a rak dil. Covid hlohral nak hrang khal ah thlacam phah in a thupibik in a thinlung sungah naihniam zet ih a um mi Kawlram hrangah nitin Rosary cam sak ding mang ringring dingah a rak forhfial. Pope in tu vekin mipi lak ah a hleice in a rak than ih Kawlram hrangih thla a cam sak nak hi ka theih tawk te in veiruk hrawng a si thlang tiin khal Rome a thleng tu Jesuh a tinkaing ih Brother Joseph in a rak sim.

          Pope cu May 16 ni ah khal Rome ih a thleng tu Kawlram mi pawl thawn Kawlram hrangah a hleice ih thlacamnak, Missa sumnak tuahnak caanserh pakhat a peh bet. Hi mi thuthang cu Vatican thuthang ih kan ngah mi a si.

Photo courtesy of: BBC / Google images

https://bit.ly/3nDDM7x

Add new comment

8 + 10 =