Kawlram ih Puithiam pawl haratnak pawl lakah hmun hlapi thleng.

Kawlram ih Puithiam pawl haratnak pawl lakah hmun hlapi thleng.

             Myanmar Puithiam pawl cu Dec 28 ah Christmas khualtlawnnak hrangah harsatnak phunphun lakah hmun hlapi ih um mi Catholic mipi pawl hnenah an rak thleng.Tuanvo neitu Puithiam, Fr. Dominic Gu Ta le Fr. Joseph Chwar Thar in Myanmar, Lashio Diocese, Mogok Parish ih ‘Wonderful Mountain’ ‘Ant Bwel Tawng’ ih Christmas khualtlawnnak an rak tuah. Cui khua cu Parish center ihsin peng 45 a hla. Lamzin harnak pawl ruangah Puithiam pawl harsa zet in cu tawk hmun an rak thleng. Cui kiangkap ah, inn a um lo; Catholic innsang pahnih lawng a um. “Kumthar Mass kan hman ngah ruangah kan lungawi. Tuikum sungah Missa Sumnak kan nei ngah lo ding tiah kan rak ruat,” tiin cu tawk ih khua mipi, Assumpta Gu Wu Mi in a rak sim.

         Vok le ar pawl le laphet kung pawl cing phah in pum an cawm aw. Lamzin a um lo. Siti, fang le a dang tulsam mi pawl lei dingah khua mipi pawl in Mogok khuapi thleng dingin lamzin fate le lamzin sia lakah motorbike thawn an feh theu.“Khuapi ih um hnak ih hramlak ih um ka peih sawn. Ruby Land ruangah kan Mogok cu a hminthang zet. Asinan, kan nih farah harsa pawl in cu vek tuah dingah caantha kan nei lo. Nunphung remdaihnak a um lo. Curuangah, ka sungkua pawl thawn a ol samnak hmun hi hmun hlapi ah ka ra um. Cui hleiah, kan rampi dinhmun khal a tunghmun lo. Ka sungkua pawl hi tawk ah an him,” tiah Stephen Chwar Lay in a dinhmun a rak sim.

      Fr. Gu Ta, Fr. Chwar Tar le an mino pawlkom in Dec 28 ah Lisu Catholic innsang pahnih pawl Pathian thuzirhnak le Pathian hna zirhnak an tuah ih an sung pawl thawn zaangkhat caan an rak hmang tlang. Ram dinhmun a that lo caan ah an mai Puithiam pawl in an man ruangah Catholic mipi pawl an lungawi zet. “Ant Bwel Tawng” lole “Wonderful Mountain” cu Mogok kiangkap ah a phanihnak ih sangbik mi tlang a si. Khua fate cu a dang tlang thuai ah a um. Cu tawk feh duh nan um le, tlang tumpi kai hmaisa a tul. Cu theh ah harsa zet in innsang pahnih umnak, tlang hnuai ah ke in feh a tul. Mogok khuapi cu Mandalay saklam, 200 km a hlatnak ah a um ih Ruby ruangah a hminthang zet.

https://bit.ly/3XhDPab