Kawlram nunau hrekkhat pumcawmawknak lam thiamnak zir an duh tiah sim. (16 November, 2021)

puanthit_zirnak_thu

Kawlram nunau hrekkhat pumcawmawknak lam thiamnak zir an duh tiah sim.

(16 November, 2021)

         Kawlram nunau pawl cu tu vekih caan a lak ih hmang dingah hnipuan thit an zir ih St. Aloysius Sister pawl in hoha ih an rak phuan mi a si.

         Hi tidaan a kai tu ding pawl tam an um lo ding tiih an ruah thu, tindaan phuan pek te ah a zir tu paruk lawng an rak um thu, tindaan cu St. Elizabeth Sr. tlawng, Kalay Diocese, KalayMyo ah 2021, September thla ah an rak thok tiah an sim.

         Tindaan cu thlathum sung a si ih tidaan kai ni cu tlawngkai nikhat in tlawngkai ninga  tiang Zarhkhat ah ninga a si. Tu ahcun tindaan kaitu 24 an um ih neta tidaan thar hrang cazin a pek cia tu 13 an um zo. Tidaan kaitu pawl mai zirnak pawl ah paih in thinlung tak ih zir ter an duh thu, Sr. pawl dinhmun ih tindaan kaitu pawl sungah a kai pek mi tlawngta pawl, sayamah pawl, innsang nu pawl an tel.

         Tindaan kai duh a si le kum ziat ti um lo, miphun ti lo, Biaknak thleidang lo in an cohlan thu, tindaan kai man tiih an nemhnget lo thu, tindaan kai sungah Sr. tlawng ih a um tu pawl cu umnak le rawl tla an do thu, ziangah tile hi vek in pumcawmawknak thiamnak in khua ih nunau pawl ih nunram a khaisan sak ih dinhmun a phunphun ruangah a tlai tu pawl an um thu, hi pumcawmawknak thiamnak in an nunram a tha deuh ding tiah an ruahsan.

         Kawlram mi tampi cu covid pulhnat ruangah siseh, ram remdaih lo ruangah siseh, hnatuan an nei lo. Tu vekih harsat caan ah mino pawl zin peng zawh ding le thinlung derdai ding an duh lo ruangah an mah hip thei mi ti daan pawl hawlnak a si.

         Sr. pawl dinhmun in an mah ah khal harsatnak lakah an zirh mi a si thu, Sr. tlawng ah bawmnak thilri tel in tuan mi vekin nikhat sung man caan lak in an zirhnak a si thu, tu ahcun nunau khat le khat thiamnak pawl an zirh awk zo ih hnipuan thi phah in nunram ah pum a cawm aw tu Anna in a mai tindaan ih a hman mi bawmnak thilri pawl tla hman a on vekin a mah rori khal in man la lo in tindaan zirhnak ah a bawm ve.

         Diocese hotu Bishop Felix Lian Khen Thangin Parish pawl ah Mission hnatuan daan thar pawl tuah dingah tha a pek tiah an sim. Sister  congregation dinhmun in khal hi mi Sr. pawlkom in siseh, pawlkom ih upabik hotu hnenin bawmnak an ngah ruangah an tuah thei thu, Sr. pawl dinhmun in mipi pawl kum reipi tiang ei in thei mi pumcawmawknak thiamnak pawl zirhnak a si ih tui tindaan khal ziang tik tiang tuah ding ti a cekci in an sim thei lo.

         Asinan, tuah thei caan, tuah an on caan tiang covid le ramkhel ruangah donkhamtu pawl lakah an tuah vivo ding.

         Tindaan kaitu pawl khal tindaan an theh tikah mai thiamnak thawn sumlutnak hawl in innsangih pumcawnnak lam harsatnak lam khatlam zawngin an bawm thei ding tiin khal an ruahsan ih, hi ruahsannak cu an mai thil thit zirnak kainak ih tumtahnak a si. Hi thilthitnak cu a tak ih a zir duh tu pawl hrangah thuthangtha si hram seh tiah an ruahsan thu tuanvo neitu Sr. in RVA ah a rak simfiang.

         Hi thuthang cu RVA thuthang ih kan ngah mi a si.

https://bit.ly/3xsPG9j

Add new comment

14 + 5 =