Kawlram thawn hmunkhat ih an um thu Philippines Catholic mipi pawl ih an lang ter ruangah Kawlram Kohhran in lungawi thu sim. July 22, 2021

Kawlram thawn hmunkhat ih an um thu Philippines Catholic mipi pawl ih an lang ter ruangah Kawlram Kohhran in lungawi thu sim.

July 22, 2021

            Philippines ram ih Catholic mipi pawl ramkhel lam buai nak siseh, pulhnat a tum thumnak ih do nak siseh nasa zet in a tuar tu Kawlram mipi pawl thawn hmunkhat ten an um thu an lang ter ruangah Kawlram Catholic pawl an lung a awi tuk. Kan thuanthu ih a tang dingmi thawn kan ton caan ah atuvekih dinpinak cu thazang pe tu asi tiin Yangon Archbishop Cardinal Charles Bo in Philippines ram Catholic Bishop pawl pawlkom ih President Archbishop Romulo Valles hnen ca a kuat.

          Philippines Catholic Bishop pawl pawlkom in July 19, tlawngkai ni khat cu "Kawlram mipi pawl thawn din ni" tiin an than. Philippines ram sungih Catholic mipi pawl in an biakinn pawl ih khawnglawng pawl khal sulai nazi 12 le zanlam 6 pawl ah tumdingah an forhfial. Kawlram hrangah ahleicein thlacam dingah thlacam nak pakhat khal an zem.

          Kawlram cu ramkhel buainak, pulhnat buainak pawl an tuar laiah Philippines ram ih Catholic mipi pawl in Kawlram mipi pawl thawn hmun khat ih an um thu an lang ter ruangah an di a riam tuk thu, July 19 cu Kawlram zalen nak ngah dingah zuam phah in thah a tuar tu pawlni khal a si thu, cui ni cu san nei zet in Philippines Catholic mipi pawl in Kawlram hrang thla an cam sak thu, buainak tampi thawn ton rero laiah zonruah nak in atuvekin thaten din pi nak ruangah lungawi nak tampi kan neih vekin hngilh theih ding asilo thu, an Bishop pawkom in rampi ih Catholic mipi pawl hnen thu than suah in thaten an din pi nak cu mang bang za a si.

          Upat tlak zetmi tuah daan a si thu, Philippines ram cu Kawlram mipi pawl fimthiamnak zir ter in, um tu daan a thang ter thu, July 19 cu"Kawlram mipi pawl thawn um khat um a si thu langter ni tiin than nak cu aveihnihnak cangvaih nak a si. Kan dung May 30 ni khal Philippines biakinn pawl ah Kawlram remdiahnak hrang tumtah in Missa raithawinak tuahnak khal in  tuah sak. Cutivekin Pope khal tel in ram dang ih Catholic mipi pawl khal Kawlram mipi thawn hmun khat ih an um thu, thla in cam sak thu pawl ti daan phunphun in an lang ter. Himi thuthang cu Vatican thuthang ihsin kan don mi a si.  

https://bit.ly/3zvnItg