Kazakhstan Bishop in Pope ih khual tlawnnak in remdaihnak le lungrualnak tampi a bawm ding tiin a ruahsan. (August 4, 2022)

Kazakhstan Bishop in Pope ih khual tlawnnak in remdaihnak le lungrualnak tampi a bawm ding tiin a ruahsan.

(August 4, 2022)

            Bishop Adelio Dell’Ore in Kazakhstan ram ah Pope a tlawnnak ding cu Kazakhstan ram hrang ruahsan in, himi cu zate hrang a tum mi thluasuah le lungawinak asi tiin sim. Pope cu amah thawn leitlun ah remdaihnak le lungrualnak a keng ding tiin Bishop Adelio Dell’Oro in a sim ih Pope in Canada ihsin Rome cu vanzam thawn a tlawngih Kazakhstan ram ih a feh nak ding a sim hnu Pope in Asia ram laifang cu September 13-15 tiang a tlawng ding thu Vatican zung in an nemhnget.

            Pope ih khual tlawnnak cu Kazakhstan ram, Nur Sultan ih tuah ding mi avei 7 nak leitlun biaknak lam upa pawl le tuah theu mi biaknak lam upa pawl thurelkhawmnak ah a tel ding. Pope le Kazakhstan Prisedent pawl ih thu suah mi cu phur zet in kan hngak tiin Prime Minister in asim vekin Bishop Adelio Dell’Ore khalin “a tu kan Pope cu kanmah thawn leilungpi remdiahnak le lungrual nak pawl bomnak a pe thei tu ding ruahsannak thawn Pope hnen zumhnget nak thawn kan hngak tiin a sim.

            Pehbet khal in Pope khualtlawnnak hrang program pawl suah ding ah kan hngak lai tiin Pope in asim ih, Pope hnen a feh duh tu pal zaten khal fehvah nak hrang bawm dingah Kazakhstan Prisident in a dil zo thu Bishop in a sim. Kazakhstan ram cu “miphun 130 luan le biak tam pi umnak ram” asi tiin khal Bishop in a sim. Himi thuthang cu RVA thuthang ihsin kan don mi a si.

https://bit.ly/3zLQUxW