Ke thawn Pathian Biak nak khawmzawh nak a rak tuah tu kut ke kimlo Spain nauhak cu Pope Fancis in tha pek. July 22, 2020

alvaro_calvente_center_arrives_in_santiago_de_compostela_july_13_2020._credit_twitter_caminodealvaro.jpeg

Ke thawn Pathian Biak nak khawmzawh nak  a rak tuah tu kut ke kimlo Spain nauhak cu Pope Fancis in tha pek.

July 22, 2020

            Spain ram ih thluak lam thawn pehpar mi kut ke kim lo mi, mino pakhat in ke thawn Pathian Biaknak khual tlawn nak ah Pope Francis in tha pek nak ca ngan in a rak kuat.

            Alvaro Calvente tiih hmin a nei mi mino cu kum 25 a si thlang ih a pa le a rualpi pawl thawn Santiago khuapi ah khawmzawh dingin an rak feh thok. Anmah cu July 13 niah an tumtah mi Santiago ah an thleng ih lamzin tluan ih khawmzawh nak thu Social Media ah an rak tarlang. Khualtlawn nak a net nak ah Alvaro ih a Pa in Pope Francis hnenah ca a ngan ih a fapa ih thuhla le lamzin ih thilcang pawl a sim.

            July 20 ah Pope Francis in ca a rak kuat sal. Cui ca sungah cun Alvaro ih a zuam nak le ralthat nak hrang a lungawiih a sunlawih thu, pulhnat caanah minung pawl thanau lo ding le khawmzawh nak thok dingih a rak forhfial ruangah a lungawi thu a rak ngan.

            Cui lawng siloin Pope Francis in "Pathian in lo kilkhawi hramseh. Sunlawih tlak mi Camel tlang ih Bawinu in lo pom hram seh. Thlacam ding hngilh hlah uh. Kan mai hrang khal ah thla in cam sak ve uh.

            Alvoro cu an unau pahra sungin a pasarih nak fapa a si. An mai Pathian Biaknak khawmzawh nak cu peng 62 a hla ih Santiago ih um St.James ih thlaan ah an cawl. Cui khualtlawn nak cu "St.James ih lamzin" tin tla an ko tiin kan thei.

Hi thuthang hi CNA ih kan ngah mi a si.

https://bit.ly/2WYi2Ho 

Add new comment

2 + 13 =