Khristian kawhhran mipi tan 340 hrawng hmuhsuam tuar January 14, 2021

Khristian kawhhran mipi tan 340 hrawng hmuhsuam tuar

January 14, 2021

              On mi sangka pawl (Open doors) tiin hmin a nei mi pawlkom cu kum tin zingzoi nak an nei ih Khristian pawl hmuhsuam a tuar tu ram 50 a um thu an than. Cui ca vekin kan dung kum sung Khristian pawl hmuhsuam tuar nak pawl cu a hlan kum pawl thawn tahthim in zatek 60 hrawng a thang. A tam bik cu Negeria ram le Saharan nelrawn ram car ih a um mi Africa ram pawl ah ralbuai nak pawl a thang ruangah tiin an sim. Khristian pawl a tam bik a hmuhsuam tu ram cu sak Korea a si. Pathian biak hmuh a si khalah, Bible hmuh a si khal ah kai in hnatuan har zet ih tuan nak hmunah an kuat ih then khat cu an that. Sak Korea ah Khristian thawng sawm thum ihsin thawng sawm nga tiang thawng ah thlak an tuar.

            Cuihlei ah a dang ram pawl Afghanistan, Somalia, Libya le Pakistian ram pawl ih a um tu Khristian pawl hrangah biaknak thawn dingah asilole thah dingah duh hril thei nak an nei. Open doors pawlkom ih director asi tu Christian Nani in "himi in in tih ter ih thin in bang ter. Anmah pawl khal thlarau nei mi minung an siih thenkhat zumnak ruangah khua zaten thiat tuar nak, duhlo cing in thawn ter nak siseh cutivek an tuar" tiin a sim.

            Asinan Khristian pawl le karuna pawlkom pawl ih hnem nak ruangah thin a nuam thu a sim. Open doors cu hmuhsuam a tuar tu Khristian pawl a bawm tu ram 60 luan an um nak kawhhran pi a si. Kan dung kum sungah cui kawhhran pi cu India ihsin minung ting khat hrangah in ei ding le a dang tul mi pawl an bawm thei. Aralai dingmi kum pawl ah khat le khat bom awknak thawn a thlun lam ih a tha lo zet mi mal deuh dingin ruah san a si. Himi thuthang cu Rome Reports thuthang ihsin kan ngah mi a si.

Photo courtesy of: Aleteia/Google Images

https://bit.ly/3swROtB