Khristian rothil kilkhawi nak hrangah Jerusalem ih Kawhhran upa pawl an sawm (July 8, 2020)

Khristian rothil kilkhawi nak hrangah Jerusalem ih Kawhhran upa pawl an sawm (July 8, 2020)

          Hlanlai khuapi pawl ih Khristian rothil pawl kilkhawi dingah, a thianghlim mi leiram le Jerusalem ih Khristian hmun le ram ih a beu tu pawl ih covo ngah thei nak ding hrangah Jerusalem ih Patriarch le Khawhhran a phunphun ih upa pawl in Israel acozah hnen an dil. Jerusalem ah tubaite ih an uk awk nak par bun aw in, Kawhhran upa pawl in leiram kilkhawi daan thawn pehpar in ca a suah.

          A tui buai nak cu Greek Orthodox Kawhhran le an neih mi thil thuhla lawng siloin, a rem dai mi leiram tiin hmin pek mi Jerusalem Kawhhran pawl lak ih a um cia zo mi remdaih nak khal a siat suah thei ruangah asi tiin ca suah mi ah an ngan thu cu Vatican thuthang ihsin kan thei a si.