Korea Pathian rian tuan pawl in Cambodia ih farah zonzai pawl hrang siikhan phuan

Korea Pathian rian tuan pawl in Cambodia ih farah zonzai pawl hrang siikhan phuan

          Cambodia ramah Bishop Olivier Schmittaeuster in Phnom Penh khuapi, Dankor District, Trapang Seila khuaah Komiso tiin hmin pek mi siikhan cu February 8 ah a phuan. Korean Missionaries pawlkom in siivai lam sumpai cem zat pawl an pe ih, sum lut mal mi innsang pawl hrangah Komiso siikhan an phuan sak nak a si.

          Harhdamnak tuanvo nei tu Fr.Ji Hoon Kim in himi siikhan cu mi farah zonzai pawl a hleice in damternak man a pe thei lo tu innsang pawl bom dingah an din thu RVA news ah a sim. Haa lam siibawi, a phunphun check nak hrangah mi farah pawl a lakin siivai pawl pek nak cutivek harhdamnak kilkhawinak a tul tu pawl silhkhah sak dingah Korea siibawi pawl cu Cambodia ram ah an hlan aw tiin Puithiam in a sim.

          2020 ihsin rak thok mi siilam cangvaihnak thawngin Korea Pathian riantuan pawl cu Cambodia miphun pawl thawn a nel-aw mi pehtlaih awk nak tha dingah siikhan hrang hmun fate pakhat an rak sang ih Cambodia ram ih Bishop Olivier Schmittaeuster in hi pawl cu mi naa pawl Khrih hnen ah an hruai tiin a rak sim.

“Lenglam khal sung lam khal dam ter a tul. Himi siikhan cu taksa lawng dam ter nak siloin mina pawlih tul mi hawl in remdaihnak pe dingah an dinhmun theih thiam pi nak khal asi” tiin Bishop Alivier in a sim bet.

          Phnom Penh ih ummi Kohhran sungtel pawl in Pawlpi ih thurelkhawm nak ah tel in Pope ih a sim mi hmunkhat ten khualtlawng dingah Puithiam in ralrin nak a pe. Hitawk hmun ah kanmah pawl cu Catholic mipi pawl tiin Gospel thuthangtha kan phuan nak hmun a si. Cuihnuah Pathian tettikhan dingah, ahleice in ruahsannak a nei lomi nauhak pawl cu lam hmuh dingah program a phunphun tuah tahrat ih ruat sal dingah caantha a si tiin Bishop Olivier in a rak sim.

          “Cambodia ram ah community pakhat din in ruat sal dingah himi caantha pawl hmang dingah” Bishop in a forhfial. Cambodia ah ram a phunphun ih Pathian riantuan tu tampi an um ruangah Bishop Olivier in himi Pathian riantuan tu pawlkom pawl cu hmuhton mi pawl hlawm dingah hmunkhat ten khualtlawng dingah Kohhran leiram sung ih a dang biaknak lam pawlkom pawl ih telpinak nak khal a tul tiin a sim thu,

          “Cambodia ah Gospel thuthangtha phuang dingah lam in hmuh ringring ih kanmah cu harhdamnak, thazang, thinlung lam thazang pawl ngah dingah Bawi Jesuh ih tleu nak thluasuah dil in kanmah pawl in hmunkhat ten kan tuahtlang lawngah kan tuan ding mi khal hmai ah kan nor thei ding” tiin Bishop Olivier in a rak sim. Komiso siikhan ah then hnih an then ih siibawi 2 le sungtuan 3 in alak in hlan aw in an tuan ding. Himi thuthang cu RVA thuthang ihsin kan ngah mi a si.

https://bit.ly/3BhEIVS