Kum 13 a rei hnu ramsung ralbuainak theh hnu Sri lankan ram Catholic Kohhran in remthatnak pawl tuah. (June 15, 2022)

Kum 13 a rei hnu ramsung ralbuainak theh hnu Sri lankan ram Catholic Kohhran in remthatnak pawl tuah. (June 15, 2022)

              Kum 13 a rei hnu ram sung ralbuainakih siatsuah mi Urani Palali ih remthat sal mi St.Anthony biakinn cu Sri Lankan ram Jaffna Bishop Justin Bernard Gnanapragasam in thluasuah a pe ih a thar in a ong sal. Timil Eelam (LTTE) thawn a cang mi ralbuainak sungah cozah ralkap pawl in biakinn an siatsuah nak a si. Cutawk hmun cu a him bik zung tiin ti asiih ziangvek biaknak lam hnatuan phun khal tuan lo ding ah kham a si.

              Rampi ih bomnak in Puithiam T.E Thevarajan in hoha in dinsal nak hnatuan pawl zuam zetin an tuan. Ong puai caanserh cu nauhak 46 Chritmas thapeknak saramentu sannak caanserh thawn Fr.Thevaraja in hoha in a tuah.

              "Himi biakinn cu vuicam lak ihsin a thosal tu san thuanthu ih a lar mi phoenix vate vekih sak mi a sithu" cu Jaffna Diocese ih pehtlaihnak director Fr.A.Tanton in a sim. Biakinn luanglu cu cozah ralkap ih siatsauh nak raldonak theh 2009 ah an tuar ih kum malte a reiah Khristian pawl ih thlarau lam tul mi pawl hrang silhkhah thei dingah cozah ih on nak thawn remnak an tuah tiin Bishop Gnanapragaram in a sim.

              Asinan 2012 ah cozah ih siatsuah a tuar ruangah mipi thawn ka bei a dong tiin Bishop in a sim. Hi mi harsat nak ihisn minung pawl St.Anthony hnen hlan aw in Biakinn pakhat sak duhnak tuah a theih ruangah kum 13 rei hnu netabik ah duhdawtnak le lungrualnak thawn parish biakinn an sak thei zo tiin Bishop in a sim.

              RVA thawn interview nak ah Fr.T.E Thevarajanin kum 1990 ah mi tampi an vai ih adanglam mi nunphung pawl le nel aw zet ih pehtlaih a si. Khamtu zate le thawn tuar nak karlak ah tuar rero asinan anmai leiram ah biakinn sak dingah an ruahsan thu a sim. A tuvekin sak a theih nan mipi dinhmun in Sri Lankan ralkap cu an ram zalennak hrang malter dingah le neta a ra lai ding mi pawl hrang zalennak ngah thei ding ah an duh zet.

              Himi biakinn cu 1848 ah an sak theh zo ih tui hnu reilote ah kum 175 kum kim nak tuah a si ding. Himi Parish biakinn cu Mulavai ih Our Lady of Holy Rosary Biakinn le Valluvarpuram ih Our Lady of Good Health a dang Biakinn pawl in an kulh.

              Kohhran innsang 130 a um ih Parish Puithiam 25 in hna an tuan zo. A tu ah cun Fr.T.E Thevarajan in Parish Puithiam tiin rian a tuan ih bawm tu Puithiam Fr.J.A Newman thawn duhdawt nak thinlung thawn Parish an kilkhawi. Himi thuthang cu RVA thuthang ihsin kan don mi a si.

https://bit.ly/3xQL2SL