Kum 2023 leitlunhuap mino pawl Puai ni cu Portugal ram ah an tuah ding. September 07, 2020

Kum 2023 leitlunhuap mino pawl Puai ni cu Portugal ram ah an tuah ding. September 07, 2020

          A ralai ding mi leitlunhuap mino pawl ih Puai ni cu 2023 ah Portugal ram, Lisbon ah an tuah ding a si. Cui puai hrang timtuah nak ah kan dung zarhte ni sun ah an hmang thok.

Lisbon Archdiocese ih Archbishop khal a si ih 2023 leitlunhuap mino pawl puai ni a cannak ih Archbishop Americo Aguiar in Pope Francis cu leitlunhuap mino pawl puaini hrangih timtuah nakah daiten le thatho zetin an rak tel thu a sim.

Kan dung tlawngkai nithum ni, September nihnih ni ah a bawm tu Bishop in Rome khuapi, St. Peter tualrawn ah Pope Francis thawn Pathian biak tu pawl thawn thla an rak cam ih leitlunhuap mino  pawl puai ni a cannak thawn pehpar in an rak relkhawm ih Pope Francis khal in a rak lungkim.

           Ziangah tile hi puai hrangah timtuah nak hnatuan cu pulh natnak hrangah cawlh ti um lo in an tuah thu, puai a can suak nak hrangah lungrual ten nat a tuar tu pawl hnenah ziang siar lo ih um lo ding khal ralrinnak pe phah in a rak sim thu a rak sim bet.

Hmunkhat ih umnak 2023 leitlunhuap mino puai a cansuaknak dingah langhngan zet ih tuah mi a um lo nain an ti thei tawk ih timtuah thei nak pawl an timtuah thu, langhngan zet ih tuah a theih lo nak cu tui caan ah coronavirus nat a len nak ruangah a si.

Leitlunhuap mino pawl puai ni cu an timlam vekih sim a si le 2022 ah an tuah ko ding nain ruah lo pi in kumkhat sung rori nithawn in tuah dingah an botcat. Cu vek in Bawinu in a kut ih a ken mi Thinglamtah le a zuk pawl khal leitlunhuap mino puai, netabik innteek ah cohlang ih tuah mi Poland ram ah a um ih cui ap nak khal ni an thawn.

             A kut ih a ken mi Thinglamtah parih thlai a si mi zuk cu a ngaingai ah cu thluhfau puai Zarhpi ni ah Diocese in mino puai tuah dingah a botcat nak ni a si.

Cui ni ah leitlunhuap mino puai cu innteek si nakin netabik an tuah mi ram ih mino pawl ai-awh tu pawl in a ralai ding mi innteek ram ih mino pawl hnenih pek bet nak programme an tuah theu. Hi programme cu St. Peter tualrawn ah an tuah theu.

                Tu kum ah 2019 kum ih leitlunhuap mino pawl puaini cu innteek dinhmun ih tuah dingih an ti mi Panama ram in leitlunhuap mino pawl puaini hminsinnakah Thinglamtah le Bawinu’i zuk netabik an rak tuah nak innteek ram in a ralai ding mi innteek ram ih ap nak programme cu 2020 November 22 ni ih tuah dingah an nemhnget. Cui ni cu Khristu Siangpahrang ih puai ni a si. Tu vek ih nemhnget ih botcat mi a si ko nain a tu ih a cang rero mi Coronavirus nat nakih dinhmun an zoh hrih ding.

                    Ziangah tile leitlunhuap mino pawl puaini ih a tel ding mi mino pawl ih harhdamnak khal tel in ruah a tul thu, Portugal ram, Lisbon khuapi ih an tuah ding mi leitlunhuap mino puaini cu tuah ding tiah ruahsannak an nei. Culawngah an mah pawl in programme ah tha ten a cang suak ding tiah a sim. Hi thuthang cu September 6, 2020 ah Vatican thuthang ih kan ngah mi a si.

https://bit.ly/2FpAlz2