Kum 90 asimi Hong Kong Cardinal Joseph Zen kaih tuar. (May 12, 2022)

Kum 90 asimi Hong Kong Cardinal Joseph Zen kaih tuar.

(May 12, 2022)

           Cardinal Joseph Zen cu kum 90 a si zo ih Hong Kong Bishop tiin (2002-2009) tiang Pathian rian a tuan. Amah cu Hong Kong thunei tu pawl in tlawngkai ni thum ni ah kaih a tuar hnu aamahkhan tiin an thlah sal thu, Cardinal ih zuk cu Wan Chai ralkap um nak ih leng nak thuthang a karh. Ralkap pawl umnak ihsin aamahkhan tiin an thlah caan ah Hong Kong tikcu caan zan 11 a si zo ih Cardinal cu ziang hman thu pe loin hmuak tu mawtaw thawn an feh tiin an sim.

A kaih nak le thuhla pawl

           Cardinal cu tlawngkai nithum zanlam ah Tuluk mi him nak pawlkom mi ralkap pawl ih kaih a tuar. Kaih a tuar hnu palic zung ah zingzoi thusut dingah kaih a si. Cardinal cu a riantuan nak minung zon ruah bomnak pawl ngah nak thawn pehpar in ramleng ih thu phan thuthang pek nak a tuah tiin an mawh puh. Cui bom nak cu Hong Kong ram ih Democracy a tul tu pawl hrang daan thu bom nak le siivai tuamhlawmnak man pawl an bawm thei.

           Vatican ihsin khal Cardinal kaih a tuar  nak thu ruangah an thinphang thu, dinhmun thaten an hngak thu thawn Vatican thuthang lam tuanvo nei tu Matteo Bruni in thuthang la tu pawl ih thusuh mi pawl cu tlawngkai nili zanlam ah a sim.

Minung 3 khal an kai.

           Cardinal cu Hong Kong ah democracy a duh tu cangvaihnak pawlkom ih zumtu pawl sungin pakhat a si. Himi pawlkom cu 2019 ah an din ih, kan dungkum October thla ah siatsuah a si. Thunei tu pawl in Cardinal an kaih ih hleiah pawlkom sumpai pawl a hawl sak tu lawyer khal a si ih, a hlan party ih minister khal asimi Margaret Ng khal siseh, mifim Hui po keung khal siseh, hlasak, hlaphuah Deniseho pawl khal an kai. An kaih nak a hman thu Hong Kong in an nemhnget.

Thuhla pawl

           Atuvekih an kiahnak cu (612 fund) tiih mi theih tam mi ramdang bomnak in sumpai ngah nak cangvaihnak thawn a pehpar thu, hivekih tuah asinak cu Beijing ih 2020 ram him nak daan pahbal nak asiih kaih a si thu, an puh mi cu mipi him nak daan 4 lakah pakhat a si thu, himi daan cu Hong Kong ih democracy cang lo ding hmuhsuam dingah tuah nak a si. Mipi himnak thu suai mi daan cu ramtin ah khal an hnong. A dang daan pawl cu dokalh nak, siatsuahnak, tuahmawh nak pawl a si. Himi thilsual a lang sar asile kumkhua hrem a theih.

           Kan dung thla pawl ah Hong Kong thuthang la tu tampi khal Cardinal cu thawngtla pawl hrang 2019 vek cozah dokalh nak duhphorhnak pawl tuah ding a forhfial thu an ngan. Cardinal cu a hlan caan ah Tuluk committee party khal biaknak lam pawlkom pawl hnen hmuhsuama si thu a dokhalh tu khal a si. Himi thuthang cu Vatican thuthang ihsin kan don mi a si.

https://bit.ly/3MfMHYo