Kum kim lo pawl kil him nak tumtah nak (September 18, 2020)

Kum kim lo pawl kil him nak tumtah nak

September 18, 2020

            September 16 ihsin 18 tiang Pope zung pawl lak ih pakhat asimi kum kim lo pawl bom nak commission phunkim thurelkhawm nak an tuah. Cui thurelkhawm nak ah Rome ihsin aiawh tu thenkhat le online ihsin aiawh tu then khat tel in thu relkhawm nak an tuah. Himi commission cu 2014, March thla ah Pope Francis in hoha in a din. Aliam zo mi tlawngkai ninga sun cu cui thu relkhawm nak ih ni netabik asiih hnatuan thawn pehpar in thuthang hnatuan tu pawl hnen a sim. Covid-19 ruangah commission ih hnatuanpawl cu online lawng in tuah asiih, online ih tuah nak thawn pehpar in a hmual neih nak, zingzoi nak, an zoh fel nak le fim zir nak program pawl thawn pehpar in zoh fel nak tuah a si.

            Kum kim lo fa le pawl ih nunnak ding commission cu hnatuan ah siseh, inn ah siseh, zung khal ah siseh, fa te fel a si tu pawl thawn peh aw in tuah a si. Anmah pawl thawn khal hmanhman ten ton awk a si. Himi ton awk nak ih hmuh mi, theih mi hmuahhmuah cu khat lam sung lo ding ah pial in fimzir nak hnataun pawl, thu sim awk nak pawl, ruah nak pek awk nak tidaan pawl ah hman sal a si. Brazil ramah bom mi pawl tong ih thu rel khawm nak cu commission ih a fate mi tumtah nak tiin tuah a si. Hitivekih tuah nak in commission hrangah mai hnatuan cu that nak nei ih tuah thei nak that nak a pe.

            Fim nak pek nak le kilkhawi nak, "covid caan sungah nauhak pawl le kilhim kil him tu nei lomi pawl kilkhawi uh" timi online program pakhat cu Pathian hnatuan tu pawlkom ih upa pawl le commission pawlkom aw in an rel. Cui program ah a tel tu pawl ih zoh nak pawl vek in a tu vek in online ih tuah nak ah fim nak pek nak, kilkhawi nak cu tuah duh asi thu, curuangah commission in hitivekih program cu reiloteih a thleng ding mi hmailam ah lang ter vivo dingah a si.

            Lamhmuh mi le daan pawl thlun ter duh nak, online ih thlah nak in commission in mifim pawl ih sim mi la in, thlun dingmi lam hmuh mi le daan pawl cu suah ding asi. Atuvek ih tuah nak cu hmuahsuam a tuar tu pawl thu dik zet in le nasa zetih hmuh suam nak tuar tu pawl ih aw tam deuh in thei ding ah a si. Himi thuthang cu Vatican thuthang ihsin kan ngah mi a si.

Source: Vatican News

https://bit.ly/3cvYQY4