Kum u pa zo mi Puithiam pakhat cu Covid nat a neih ruangah Thawnginn sungih sin thlah sak dingah Jesuit a tinkaing pawl in zaangfah an dil May 19, 2021

Kum u pa zo mi Puithiam pakhat cu Covid nat a neih ruangah Thawnginn sungih sin thlah sak dingah Jesuit a tinkaing pawl in zaangfah an dil May 19, 2021

May 19, 2021

          India ram, Monbay thawnginn ih thlaruk hrawng thawng tla mi Fr. Stan Swamy, SJ cu covid nathrik a nei ih a dam lo ruangah thla sak dingah Jesuit a tinkaing sungtel pawl in zaangfah an dil. India ram ah covid nathrik suan mi a tam vek in thawnginn sungah khal suan awk nak a um. Fr. Swamy cu October thla, 2020 ih thawng tla mi, milai caantha ih cangvai tu 15 sungin pakhat a si ve ih thawngthlak mi pawl cu upadi mifim pawl, cangan tu saya, bezai ngantu saya pawl, tlawngta hotu, acozah lam ih cangvai tu pawl an tel.

          Kan nih cu India ram ih uknak power hnenih thusuhnak kan neih ruangih thawngthlak tuar mi pawl kan si tiin thawng a tlak hlan te ah Fr. in audio file in a rak sim.Kum 84 a si zo mi Puithiam cu Parkinson natnak a tuar rero tu a si ih thawng a tlak nak thawnginn cu siivai lam ih hnatuantu tha an um lo nak hmun a si.

          Leitlunhuap ih Jesuit a tin kaing sungtel pawl in milai caantha lam ih cangvaitu Fr. Swamy thlah sak dingah zaangfah an dil. India ram cu tui tikcu caan ah leitlunhuap ih covid cannak hmun bik ah a cang ih nitin nat suan tuar tu 250,000 an um.

          Hi mi thuthang cu Rome Reports thuthang ih kan ngah mi a si.

Photo courtesy of: The Catholic Weekly

https://bit.ly/2QBB06H