Kut le Ke kim lo tu pawl hrangah tha zang a neih ter ruangah ka lung awi tiin Pope Francis in Alexzanardi hnen a sim. June24,2020

Kut le Ke kim lo tu pawl hrangah tha zang a neih ter ruangah ka lung awi tiin Pope Francis in Alexzanardi hnen a sim.

June24,2020

            Alexzanardi cu taksa kim lo mi mi hminthang pakhat a siih, tubaite ih mawtaw rinlopi ih cang sual nak a tong tu a si. Italy ram ih lehpan nak ca pakhat a simi ‘La Gazzetta dello sport’ ah Pope in cui taksa a kim lo mi mi hminthang cu thazaang mal mi pawl hrang tha a suak ter ruangah a hnen ih a lung a awi thu a ngan mi ca ah a tel.

            Amah cu (2001) kum formula one motor mawng zuam awk nakah a nasa zet mi motor cang sual nak a cang ih, a ke pawl a sung. A nunnak cu minung pawl hrangah zir ding mi a si. Ziangruangahtile a sang nak hmun ihsin ziang hman nei lo din hmun a cang ih, cumi dinhmun ihsin a ding thei sal. Asinan a sung a pe lo. Pope cu a ngan mi ca sungah mi tontai lek tu hnen a lung a awi thu a sim. Ziangruangahtile a nasa zet mi natnak sungin pacang zetih nunram a din sal thei tu a thinlung tha ruangah a si.

            Duhdawt zet mi Alessandro, na nunram thu cu rinlopi ih a tla sia tu pawl hrangah nunnak cu ziangtin din sal ding timi tahthim nak pakhat a si. Mi tontai asinan lehpan nak thawn mi dangih duh thei dingin ziangtin sinak nei zet in um ding timi mitampi in thei dingah a sim bet. Kut, ke kim lo tu pawl hrangah tha zang ngah nak sii khuat khat a can ter ruangah a lung a awi. Atuvekih a nat sattak lai caan ah nan kiangah ka um ringring ding. Nan zate hrangah thla ka lo cam sak ding. Kan nu Maria khalin nan hrangah that lo nak ihsin luat dingah lo humhim hram seh. Pope in Zanardi khal a tuar pi ih, a hrang ah thla a cam sak thu, a mah cu Siena khuapi ih Santa Maria alle Scotte siizung ih mina besia pawl dam ter nak ah ninga ni ihsin thok in tuamhlawm rero a si. A tuih rinlopi ih a cang mi cu thirleng zuamawk nakih a zuam thok ihsin a cang mi a si. Himi zuam awk nak cu Prenza khuapi ih tuah mi Fund hawl nak lawng a si. Tui kum thok lamah amah cu fund hawl nak ah a tel. Pope ih tha pek nak ruangah covid-19 hmai lam ihsin a do rero tu Bergamo le Brescia siizung pawl hrangah a tul mi paisa ngah nak ding hrangah tlan an zuam tlang tiin a sim. Hi mi thuthang hi Vatican news in kan ngah mi a si.

https://bit.ly/2BUKzGc