Lampedusa ah Pope a ra tlawn nak kum (7) a kim nak ni Missa raithawinak tuah ding (July 6, 2020)

Lampedusa ah Pope a ra tlawn nak kum (7) a kim nak ni Missa raithawinak tuah ding (July 6, 2020)

            Pope cu tlawng kai ni thum July 8 ni cu Lampedusa ih a tlawn nak kum (7) a kim ni a siih, cui ni von mang in, cui ni zinglam Missa raithawinak tuah ding a si.

            Sicily district ih, Lampedusa tikulh ah (2013, July, 8) Pope a tuan kum ah Rome khua leng ah a veikhat nak Pathian rongbawl nak ih khual a tlawn nak a si. Cui hmun cu Italy ram Pai tikulh asiih, a vai ih harsat tuar pawl hnen colhdam nak pek nak hmun khal a si. Vatican thuthang zung ih tuanvo nei tu Matteo Bruni in Missa raithawinak cuk Rome tikcucaan zinglam nazi (11) ah Pope nitin Missa a tuah nak Biakinn asimi Santa Marta Biakinn ah tuah ding asi thu, Missa raithawi nak ah Vatican ih Pathian rian tuan nak ih hnatuan tu malte an tel ding thu, cutivek in a vai ih harsat a tuar tu pawl kilkhawi nak hnatuan tu le miharsa pawl zate ih aiawh tu malte an tel ding tiin thuthang an suah.

            Himi tikulh ih a ra um tu harsa pawl cu Africa ihsin an si ih, anmah pawl cu tih a nung zet mi tipi thuanthum an pah suak. Harsat tuar tu pawl cu Arab do awk thoh nak (2010) ihsin a thok ih sak Africa ih harsat tuar pawl an tlan suak. Ziangruangahtile ram um daan zoh tikah um vivo nak dingin a si thei nawn lo. Himi tikulh cu Tunisia tikap thawn (113) km a hla.

            Pope a veikhat nak a tlawn lai khal ah hmun tha hawl phah in tipi kap ih a thi tu pawl hrangah thla a cam sak. Zuun ngaih par tipi par ih fen ter nak in a thin a nat thu a lang ter. Cui hnuah tualrawn ah Missa raithawi nak cu an zate hrangah a tuah sak. Pope asinak in a tuvekih mang sal ih thlacam nak cu harsat tuar tu pawl thawn hmunkhat ih a um pi thu, tuisan ah a tum zet mi buai nak ralring ter a duh thu, atuvekin mai hmun ram taan dingah thuhla tampi a um thu, cui thuhla pawl lakah zalen nak a um lo thu, tam nak ihsin thok in, cui hmun a nei tu pawl an ram ah um dingah ziangtivek khalin a cang thiam lo ruangah an um nak hmun ram an suah san nak cu ruat sak a duh, ngaihsak a duh, cawl thlang ding ah napin zuam ter a duh ruangah asi ti thei dingah a tul thu Fr.Federica Lombardi, SJ in a sim fiang timi cu Vatican thuthang ihsin kan thei.   

https://bit.ly/2Wauaon