Lamzin kiangih zuk suai thiam saya in a taktak ih cang mi pawl a suai ih thuthang ah tarlang theu.

Lamzin kiangih zuk suai thiam saya in a taktak ih cang mi pawl a suai ih thuthang ah tarlang theu.

Dec 27, 2022

          Lamzin kiangih zuk suai thiam saya, Mauro Pallottu cu a taktak ih cang mi pawl suai phah in mipi thinlung thazaang pe theu tu a si. Kan dung Zarh ah leitlunhuap Worldcup ah Argentina ih laksawng an ngah ih an ram ih an rak tlun thei sal mi mang ter dingah Pope Francis le Argentina pawlkom ih Messi Lionel pawl an rak tonawk lai zuk khal a rak suai.

          Hi zuk suai thiam saya cu Pope ih zuk bang mi pawl suai tu khal a si. Pope Francis in skate to tu Tic-tac-Toe lektu tivek thawn nauhak lai nunram pawl Italy lamzin pawl ih tuah tu a si. Zuk suai thiam saya hrangah a thiamnak lam pehtlaihnak lamzin tiah a ruat. “Kei mah dinhmun in lamzin pawl ih ka zuai rero a si le a tlaitluang mi le mitin ih theih ol mi thanw ka tarlang theu. Ziangah tile ka suai mi thuhla a hmu tu tinkim in theih ter ka duh” tiah a rak simfiang.

          Tui kan dung ih a rak suai mi zuk pakhat cu “Push of Peace” (remdaihnak hrang forhtu) ti a si. Hi zuk a suainak cu rome ih nauhak siizung ih laksawng pe dingah a si. A suai mi pawl cu Pope Francis mipi pawl thawn an tonawk tikah ca uk tuah in laksawng ah a rak pek. A kumkum ih rei in Pope Francis sirhsan ih a rak suai mi zuk pawl a hmuh tikah Pope in a duh tuk thu, a mah mang ter bik mi zuk ruangah Pope in a hnatuan mi theih sak in a lawm thu, hi zuk pawl cu reipi a daih lo nan a hmuh tu pawl ih mitthlam ah a tang lan. A mah in zuk pawl a suai ih a sim duh mi pawl a sim theu. A hleice in remdaihnak thua  si. Hi mi cu Pope hrangih a thupi zet mi a si tiin a sim.

          Remdaihnak cu milai pawlkom ih a thupi zet ih tulsam mi a si ti cu zohman ih el theih a si lo. Remdaihnak um lo in thangso ih thlengawknak a um thei lo. Thansonak khal a um thei lo. Nunram khal a um thei lo tiah a rak simfiang. Hi thuthang cu Rome Reports ih kan ngah mi a si.

https://bit.ly/3hW4GsT