Laos Puithiam siizung ihkhun parih ordination pekmi cu ni 51 a rei hnu ah Philippines ah nunnak cem. (August 3, 2022)

laos_puithiam_ihkhun_parih_ordination_a_ngah_hnu_ni_51_nakah_nunnak_cem.

Laos Puithiam siizung ihkhun parih ordination pekmi cu  ni 51 a rei hnu ah Philippines ah nunnak cem.

(August 3, 2022)

            Laos Puithiam, June thla ah Manila siizung ih Ordination ngah tu cu August 2 ah nunnak cem. Pakse khuapi ih Apostolic Vicariate ihsin Lao mino pakhat, Fr.Khamsan Mim Khouthichak cu dam ter thei lomi cancer nat a tuar ih a mah cu ni 51 Puithiam a tuan. Amah cu Philippines ram Quezon khuapi St.Vincent Theology tlawng ih siikhan ah a nunnak a cem tiin Theology fimthiamnak professor Fr.Daniel Franklin E.Pilario in RVA thuthang ah a sim. August 3 ah Fr.Khamsan ih ruak cu phum a si dingih, a ruak zoh nak tik cu can cu reilote ah an than ding tiin Fr.Pilario in a sim.

            June 13 ah amai duhnak vekin Papua New Guineu ih alotau Sideia Diocese ih Bishop Rolando Crisostomo Santos in Puithiam sinak cu Pakes khuapi ih Bishop ih lungkim nak thawn ordination a rak pek. Khamsan cu Laos Diocese mino hotu asiih, 2008 Manila ih a rat tikah Fondacio pawlkom thawn Theology zir dingah a feh ih, mi farah pawl hrang social thangso nak le nunphung a phunphun ihsin mino pawl fimzir bawm dingah leitlun Christian thangsonak pawlkom ih sungtel khal a si.

            Cuihnu ah Manila khuapi ih Adamson phunsangtlawng ah Theology a zir. Tlawng a theh zik zawng ah  kum 2022 May ah nat a ngah ih a feh a har. Vei tampi dam ter in tuamhlawm a sihnu ruh cancer asi thu le netabik abesia mi natnak a si thu theih a si. Amai dinhmun thawn kaih in, a tlawngkai nak ih tuamhlawm a sinak hmun ah Puithiam ordination pe thei dingah an lungkim. Ordination ih tuah ding mi hmuahhmuah cu a ihkhun par ihsin tuah theh a si. A rualpi Fr.Trieu Pham Minh ih a simnak vekin Khamsan cu Laos cozah in anmai Parish ih ralthatnak a zirh ruangah veihnih rori khal thlawngthlak a tuar.

            Fr.Khamsan ih a colh caan cu a Diocese le Laos Kohhran hrang a danglam zet. Ziang asikhal le Pathian ih kawhnak thawn a phundang zet mi rah rah dingah a duh ih Puithiam tuan dingih a duhnak a cohlang ih a nunnak cu thianghlim zet in a hmang" tiin Minh in a sim bet. Amal zet mi Loas ih Catholic Kohhran ah mipum 60,000 an um ih ram ih 7.2 M a umtu pawl cu vietnamese le Hmong miphun pawl an tam.

            Pakse khuapi ih Apostolic ah Champasak, Saravon, Xeguang le Attapu Parish pawl an tel ih, an zate kom in mipum 1.37M hrang an um. Pakse ah Catholic mipum 15,000 an um ih parish 46 le Pathian riantuannak hmun pawl a um. Bishop 4 an um nan Laos ah Diocese a um lo. Catholic pawl cu Bishop 4 in hmun 4 in an kilkhawi. Himi thuthang cu RVA thuthang ihsin kan don mi a si.

https://bit.ly/3cR0I1A

Add new comment

5 + 1 =