Lebanon a puah theh ah Christian pawl in a tulsam tu pawl hnen an bawm August 14, 2020 (CNA)

Lebanon a puah theh ah Christian pawl in a tulsam tu pawl hnen an bawm

August 14, 2020 (CNA)

         Kan dung zarh tlawngkai nihnih ni ah Sophie Tegho le a pasal pawl cu Lebanon, Beirut ih um dawr pi pakhat ah an rak um. A nasa zet mi thil puak awn an thei ih linghnin nak kiang ih um  vekin  thlaalang pawl le mawtaw thlaalang pawl an kuai.

         An nupa ten an thlen nak hmun a bangawk lo ruangah tong aw thei dingin thil kuai awn pawl lak in an zuam thu Sophie in a rak sim.

         Beirut tangphawlawng cawlh nakih um Ammonium Nitrate 2750 puah nak ruangah in ciim nak le meisa kang nak, a fate mi linghnin vekin thlaalang pawl kuai nak a cang. Cu tikah an thlen nak ABC Center cu thil puah nak hmun thawn pengkhat hman a hlaa lo.

         Cui thil puah nak cu pengruk hrawng hrang tiang nasa zet in a siatsuah ih minung taan hnih cu inn an nei lo ih hlei ah mi vai mi harsa pawl an thih thu UN pawlkom in a sim.

Beirut khuapi uktu in thil puah nak ruangah American dollar 10 billion in 15 million karlak thilsiat  a um ding tiah an ruat tiah a sim.

         Cui thil puah nak cu Christian tamsawnih umnak veng thawn a nai awk ruangah Christian pawl cu siatsuah awnak tambik a tuar tu an si. Lebanon ah Muslim pawl cu zateek 60 an si ih Christian zateek 35 hrawng an um.

Christian tamsawn cu Maronite Catholic pawl an si ih bawmnak pek nak le runnak pawl khal Christian an tam sawn. Red Cross pawlkom le Catholic KMSS pawlkom tampi pawl cu runnak thawn sak sal dingah volunteer an tuan.

         Lebanon KMSS pawlkom in ti thiang le rawlpawl an pekih Maronite Catholic pawlpi in sii khaan le siivai pawl a rak bawm. Leilung khuazakip in bawmnak paisa pawl an ngah rero thlang ih volunteer pawl le paisa hawl nakin Christian pawl in thazaang thawn hnatuan peknak an rak neih thu theih a si.

https://bit.ly/3awS830