Leitlun huap ih kumtam bik Sister cu kum 115 a si ih Brazil mi si tiah sim.(March 20, 2024)

Leitlun huap ih kumtam bik Sister cu kum 115 a si ih Brazil mi si tiah sim.(March 20, 2024)

Ka thuthup, ka thuthup cu thlacamnak a si tiah kum 115 a si mi leitlun ih kumtam bik Sister Inah Canabarro Lucas in a sim. Leitlun huap ih um mi minung pawl hrangah nitin Rosary ka cam sak theu tiah a rak sim.

 Teresian Sister cu Brazil le Latin America ah kum tambik Sister khal a si tiah Gerontological Research Group hnen in theih a si.

Sister Inah cu CNA 's Portuguese- news partner a si mi ACI Digital thawn March 9 ni ah thu an suhnak ah  a tong theitawk in hnihsuah a rak sai ih nuamnak a rak bawl. Amah cu Bawi NuMaria hnenah zaangfah dil in thla a cam theu ih leitlun huap ih um mi minung pawl hrangah a cam thu khal a rak sim.

Sant' Ana do Livramento khuapi ah tlawngta lai in a rak thei tu Sr.Lucia in a nih ih nunram cu cawn tlak rori a si tiah a rak sim.

Sr Inah ih a dang a lamdan mi cu khaizang zet khal a si. Amah cu khuasung thlacamnak phun kim khal ah a rak tel ih a ni cu hmuan sungah a tik cu caan tla a rak hmang theu tiah a rak sim. Sr Lucia in kan dung zarh hnih lai in a harhdamnak a tla deuh nan a hung that deuh caan ah ttong khal a paih zet tiah a rak sim.

Inah Canabarro Lucas cu Rio Grande do Sul ah May 27 , 1908 ah a rak suak ih unau sarih lakah a pahnihnak fanu a si. Amah cu Rio Grande do sul ih Farroupion (1835-1845) ih acozah upa lak ih pakhat a si mi Gen. David Canabarro ih Tunu a si.

Sister Inah cu Sister tlawngah  fimnak a rak zir ih a kum 19 ah Uruguay ih Montevideo ih Teresian Sister tlawngah a rak lut.

Kum zabi pakhat luan ah hin a mah in leilung le Pawlpi ah thlengawk nak tampi a rak tong. Amah in Leitlun ralpi veihnih rori a rak tong ih Pope khal minung pahra in an tuan a hmutu a si. Amai suah kum ah Pope St. Pius X in a rak tuan lai a si.

Pathian in a bawm dingih kum 116-117 a kim zik, Pathian ih a lungkim a sile kum 120 tiang a si ding tiah a tupa in a sim.

Sr Inah cu a kum tluanah zirhtu saya a rak tuan tu a si. Amah cu Rio de Janeiro' Itaqui le Sant' Ana di Livramento ih Teresian tlawngah  Portuguese, math, Scienci, history le Art, biaknak thu lam rak zirh tu a si. Hi mi thuthang cu CNA thuthang in kan don mi a si.