Leitlun ih mi menmen Catholic Pathian hnatuan tu pawl ih cazin cu Vatican in suah October 21, 2021

Leitlun ih mi menmen Catholic Pathian hnatuan tu pawl ih cazin cu Vatican in suah

October 21, 2021

              Leitlun Pathian hnatuan ni (Mission Sunday) thlen hlanah leitlunih mi menmen Catholic Pathian hnatuan pawl ih cazin pawl cu Vatican in an suah. Tubaite ah cazin lakmi vekin leitlun ah mi menmen Catholci Pathian hnatuan tu 410440 an um tiin theih a si. Mi menmen Catholic Pathian hnatuan tu ti tikah, saya, Siangbawi, Sister pawl siloin Kohhran hnatuan tu mi menmen Kohhran mipum sungin ti duh san a si. Himi cazin netabik lak nak cu 2018 kum ah a siih, culaiih mipum hnakin 34252 an thang.

              Europe continent, tipi kap hmun le Africa continent  pawl ah a thang cuang. Sak le thlang America Continent ah (33930) an thang thu le Asia Continent ah cun 550 lawng an thang tiin theih a si. Hmun le ram dangdangih Pathian hnatuan tu Siangbawi, Sister pawl ih cazin cu an lang ter lo. Cutivekin leitlun killi ah Catholic mipum 1.34 billion a um ih, kum dang hnakin tan 15 a thang. Himi cazin vekin leitlun mipum ih zatek 17.74 an um tiin theih a si. Himi thuthang cu Rome Reports thuthang ihsin kan don mi a si.

https://bit.ly/3jJctrx