Leitlun kiangkap kilkhawi ni hrangah Pope ih thucah mi June 5, 2020

Leitlun kiangkap kilkhawi ni hrangah Pope ih thucah mi

June 5, 2020

          "A harhdam lomi leilungpi cu harhdam vekin um hrim a ngah lo" tiin June thla (5) ni ih tuahmi leitlun kiangkap kilkhawi niah Pope in a sim. Leitlun hring ringring nak thawn pehpar in kan ruah daan thleng dingah a tul thu, cutilawngah a tha vivo dingih, a harhdam mi leilung hmailam santhar hrangah kan tan thei ding thu, himi a cam hi tui kum hrangah program vekin Colombia ramah tuah dingin timi a sinan ruahban lomi pulhnat ruangah online lawngin thucah mi cu an thlah asi. Pope ih cangan mi sungah Colombia ta-ma-dah Iva hnenah a liam zomi ninga sunah kuat mi thuthang ca khalah Pope in "kiangkap kilkhawi nak le thingkung, hramkung le rannung pawlih cii pawl kilkhawi nak" cu kan zate thawn pehpar mi thuhla asi tiin a sim. A harhdam lo mi leilungpi ah harhdam nak, a harhdam lomi leilung piah harhdam vekin um hrim a ngah lo. Leilung pi siatsuah ter nak cu kan nih khal in kan tuar. Kiangkap ih um daan kilkhawi nak cu hmailam caan hngakhlap ih hnatuan nak lam ah a thleng. Curuangah a tui hrang lawng hlawk nak siloin minung nunnak thawn a pehzom aw. A tui leilungpi ih um daan cu ziangtluk in a siava ti hmuh a si thu, kanmah pawl cu hmu lo, theilo vekin kaa cip men ding kan si lo thu, ziangruangahtile kiangkap kilkhawi daan nasazet ih a siat nak, a dik loih hman nak lang ter ding a si. A tui um daan cu a dang ti daan pawl thawn felfai ter nak ruah nak ding caan a si nawn lo thu, minung bur khat, pawlkom hlawk nak hrang ih siatsuah a tong rero mi, hmuhsuan a tong mi kan leilungpi ih thil cang mi cu tih loin lehrul caan a si thu, veikhat veihnih thangso dingih tuah ding tiin hminsin nak mawi te khen in a dik loin hmangin, amiat tuah nak hnatuan cawl tengteng dingah tuah ding asi.

          Hihnakih a tha mi leilung pi din cio uhsi,

          Ziangtinkim hi kanmah parah a bun aw. San thar pawl hrangah a tha deuh mi, a harhdam deuh mi tan dingah caan khal kan nei a si. Cuihleiah "kiangkap kilkhawi nak thawn pehpar mi capi" kum (5) kimnak khal ruat salin, kan nu leilung pi in kan theih thei dingin a au aw khal mang in leh rul sal dingah in forhfial. Netabikah Pope in himi thurelkhawm nakah thurel tu ding pawl zate rannung pawl um thei nak leilungpi din dingah napiin zuam ding tiin ruahsan nak a um thu le minung ngaingai asimi kiangkap kha tuah sal ding tiin ruahsan nak a um thu, cui leilungpi sungah minung zaten hmun khatah um khawm dingah, zovek mi khal um nak nei lo tiin ziangah rello ih hnon lo dingah zum nak thawn ap in, a forhfial a si.

https://bit.ly/3cLj9Pw