Leitlun killi ih Bawinu lungdawl pawl online ihsin Rosary cam theinak hmun pawl

Leitlun killi ih Bawinu lungdawl pawl online ihsin Rosary cam theinak hmun pawl

              May thla cu Bawinu hnen upat sunloih pek nak thla a si. Bawinu upat sunloih nak langter nakah Rosary thlacamnak cu Bawinu amah rori a duhmi, Pathian thluasuah ngah tengteng nak thlacam nak si. Cutivekin May thla sungah leiltun ih Bawinu lungdawl pawl ihsin Rosary camnak caanserh khal online ihsin live in thlah a si. Himi upat nak cu "Rosary marathon" tiin Pope in a sim. Hi leipar ih Bawinu lungdawl pawl ihsin Rosary camnak cu online ih tel nak in leilung ih harsatnak a pe rero tu covid 19 pulhnat pi a zamrang thei bik in hlo thei dingah, minung um tu daan lam hnatuan nak pawl, mai hnatuan pawl a hlan vekin a zam rang thei bikin tuan thei dingah May 5 ah khawm zawh tu pawl thawn St.Peter tula rawn ih tonawk nak ah a rak sim. Kawlram mipi hrang ahcun Pathian thu thawn a kaih mi rampi cu mipi lungrual in a cozah ih hoha nak, Kawlram mipi pawl ih lungrual nak thawn a zamrang thei bikin din thei nak hrang thlacam sak cio uh si.

            Gospel thuthangtha karhzai nak zung in timtuah in an suah mi leitlun ih Bawinu lungdawl 30 ah tuah a si. (Hminsin ding: Leitlun ih Bawinu lungdawl 30 lawng a um tinak a si lo. Rosary camnak canserh cu online ih thlah theinak, thuanthu ih um tlak, upat tlak, May 31 ni tuat in suahnak curuangah 30 lawng tuah nak a si. Cumi Bawinu lungdawl pawl ihsin nitin a dot dot in leitlun tikcucaan zanlam 6 ah Rosary cam a theih.

May 1. In bawm ringring tu Bawinu (St.Peter Basilica biakinn, Rome, Europe)

Tumtahnak - Pulhnat pi ih namnuai a tuar tu leilungpi hrangah,

May 1. Walsingham Bawinu lungdawl (Bawinu ih Basilica biakinn pi , England, Europe)

Tumtahnak - A thi tu pawl zaten hrangah

May 2. Rundamtu Jesuh le Bawinu biak theng (Elele, Negiria, Africa)

Tumtahnak - Mai innsang pawl cibai buk man loin rinlopin asilole hmunhla ih nun nak a cem tu pawl ih thlarau pawl hrangah

May 3. Czestochowa ih Madonna Bawinu lungdawl (Czestochowa, Polan, Europe)

Tumtahnak - Coronavirus nat suan a tuar tu pawl le nat nak a phunphun a tuar tu pawl zaten hrangah

May 4. Bawinu hnen thuthannak Basilica biakinn pi (Nazareth khuapi, Isarel, Asia)

Tumtahnak - Nauvontu pawl, nu pawl le nausuak zikte pawl hrangah

May 5. Rosary Bawinu lungdawl (Namyang, South Korea, Asia)

Tumtahnak - Nauhak pawl le mino asimi tu ding zate hrangah

May 6. Aparecida Bawinu lungdawl (Brazil, America)

Tumtahnak - Mino pawl zate hrangah

May 7. Remdaihnak le tidai ih a feh tu pawl a kilhim tu Bawinu (Antipolo Basilica biakinnpi, Philippines, Asia)

Tumtahnak - Innsang zaten hrangah

May 8. Lujan Bawinu (Lujan, Argentina, America)

Tumtahnak - Mipi pehtlaihnak hnatuan pawl a tuan rero tu hnatuan tu zate hrangah

May 9. Loreto Bawinu lungdawl (thianghlim innpi Basilica biakinn, Italy, Europe)

Tumtahnak - Kum upa pawl zate hrangah

May 10. Zangfah tu Bawinu lungdawl (Ireland, Europe)

Tumtahnak -  Dam lo mi zaten hrangah

May 11. Harsa zonzai pawl ih Bawinu (Banneux, Belgium, Europe)

Tumtahnak - Harsa zonzai pawl, inn le lo nei lo pawl, hnatuan, sumdawn nak a rem cang lo tu zate hrangah

May 12. Africa a bawm tu Bawinu (Algiers, Algeria, Africa)

Tumtahnak - Mahten a pak tu pawl, ruahsannak a nei lo tu pawl zate hrangah

May 13. Fatima Baiwnu lungdawl (Fatima, Portugal, Europe)

Tumtahnak - Ziangvek thuruang khalah siseh thawng a tla tu zate hrangah

May 14. Harhdamnak Bawinu biakinn ih Bawinu lungdawl (Vailankanni, India, Asia)

Tumtahnak - Science mifim pawl le thil zingzoinak hnatuan pawl a tuan rero tu mifim pawl zate hrangah

May 15. Medjugorje ih remdaihnak Bawinu lungdawl (Bosnia, Europe)

Tumtahnak - Mai um nak hmun in a vaiih hmun thar feh ih a um tu zate hrangah

May 16. A thianghlim mi Pathian ih nu Cathedral le Basilica ih Khristian pawl a bawm tu Bawinu lungdawl (Sydney, Australia, tipi kap)

Tumtahnak - Tuahmawh nak a phunphun a tuar tu pawl le minung zuar a tuar tu zate hrangah

May 17. Washington D.C ih sual hram nei loin nauvon tu Bawinu lungdawl (Washington, America)

Tumtahnak - Leitlun ih hoha tu zate pawl le leitlun pawlkom a phunphun pawl zate hrangah

May 18. Lourdes Bawinu lungdawl (Lourdes, France, Europe)

Tumtahnak - Siibawi pawl zaten, Nurse pawl zaten hrangah

May 19. Ephesus ih Bawinu innpi (Ephesus, Turkey, Asia)

Tumtahnak - Ralbuainak a tuar tu zate le leitlun remdaihnak hrang

May 20. El Cobre ih zangfah nak Bawinu Basilica ih Bawinu lungdawl (Santiago, Cuba, America)

Tumtahnak - Siivai a tuah tu mifim pawl le harhdamnak hnatuan tu pawl zate hrangah

May 21. Sualhram nei lo in nau a von tu Bawinu Basilica ih Nagasaki Bawinu lungdawl (Nagasaki, Japan, Asia)

Tumtahnak - Nunphung, lainatnak hnatuan tu pawl zaten hrangah

May 22. Montserrat Bawinu lungdawl (Spain, Europe)

Tumtahnak - Duhdawt nak tawn hna a tuan tu zate hrangah

May 23. Notra Dame du Cap Basilica ih Notre-Dame-du-Cap Bawinu lungdawl (Trois-Rivieres, Canada, America)

Tumtahnak - Thuhman thudik hrangah hna a tuan tu pawl, ralkap pawl, meisa mit tu pawl zate hrangah

May 24. Nyaunglebin Loudes Bawinu lungdawl (Nyaunglebin, Myanmar, Asia)

Tumtahnak - Bom a tul tu pawl a bom tu zate hrangah

May 25. Ta Pinu Basilica ih Ta Pinu Bawinu lungdawl (Gharb, Malta, Europe)

Tumtahnak - Tlawng saya, sayamah pawl, tlawngta pawl, fimthiamnak lam ih hnatuan pawl zate hrangah

May 26. Guadalupe Basilica ih Guadalupe Bawinu lungdawl (Mexico khuapi, Mexico, America)

Tumtahnak - Lo hnatuan pawl le hnatuan nei tu zate hrangah

May 27. Zarvanytsia ih Pathian ih Bawinu lungdawl (Ukraine, Europe)

Tumtahnak - Hnatuan neilo ih a um tu zate hrangah

May 28. Altotting Bawinu lungdawl (Altotting ih Madonna Bawinu) (Jamani, Europe)

Tumtahnak - Pope, Bishop pawl, Siangbawi pawl, Decon pawl zate hrangah

May 29. Lebanon ih Lebanon Bawinu lungdawl (harissa, Lebanon, Asia) Tumtahnak - Pathian ram hrangah mai nunnak a hlan tu thukam pathum a la tu nunau, mipa pawl zate hrangah

May 30. Pompeii khuapi ih Rosary Bawinu lungdawl (Italy, Europe) Tumtahnak - Nu Catholic Pawlpi hrangah

May 31. Vatican hmuan sungih Bawinu lungdawl (Rome, Italy, Europe)

Tumtahnak - Covid 19 nat a zamrang thei bikin hlo in nunpung, biaknak lam, sumdawn nak pawl a zamrang thei bik in tha dingah, thlacam dingah in sawm a si. Himi thuthang cu Vatican thuthang ihsin kan don mi a si. 

https://bit.ly/3bb48sp