Leitlun mino puai ah feh dingah nunau unau hnih cu thilmankhung kuthruk zuar phahin innsang hnatuan tiin a thang tiin sim (January 22, 2022)

Leitlun mino puai ah feh dingah nunau unau hnih cu thilmankhung kuthruk zuar phahin innsang hnatuan tiin a thang tiin sim

(January 22, 2022)

            Lucia le Maria tei cu unau an siih 2016 ih tuah mi Krakow khuapi ih World Youth Day khualtlawnnak hrang an khua Spain ah thilmankhung kuthruk pawl an rak zuar. A tui kum 5 a rei hnu ah an hminsin nak tacik cu Pope hnen ih hmuh a theih ih hleiah pulhnat sung an innsang bawm dingah sumlut an nei tiin an sim.

            “Himi hi leitlun mino pawl ni hrang kan rak tuah nak asiih Pope thawn tong aw ding ah caantha khal in pe. Cuihnuah ka nau thawn kan duh mi pakhatkhat tuah phahin caan tampi a cem ih unau pehtlaihnak a hnget tiin Lucia in a sim. An um nak ram ah an kuthruk pawl thawn naute Jesuh suahnak inn pawl cu nu pawl ni le pa pawl ni hrang kuthruk bawm pawl an zuar nak in an hnatuan an rak thok thu, pakhat le pakhat thu ngai nakin an rualpi pawl thawn Instagram ah a darh ih, a tu ahcun follower thawng lai a si zo” tiin an sim.

            “Social media parah mi ruahnak an lak thei ih mi pawl in kan hnatuan nak an duh. Curuangah himi hnatuan tuan bet dingah thu kan bot cat. Himi khal mai tuah piah mi pakhat vek a si. Inn ah sumpai lam dinhmun a that lo ruangah khat lam ah paisa hawl phah in zingzoi a si. Himi khal nupa pawl bom vek ah a cang mi tuah daan a si” tiin Lucia in a sim.

            Lucia le Maria tei cu Bawi Jesuih a suah nak zuk pawl aiah hngawngorh pawl, hnakhai pawl le zunghruk pawl an tuah bet ih an hminsin nak tacik cu mi theih tam  asiih a tu ah cun anmah pawl cu kor tlun thuah pawl, coat pawl, korfual pawl le a dang tampi khal design an suai thu, leitlun mino pawl ni ah tel dingah tumtah nak ihsin thokin fund hawl ding ah an hnatuan a rak thok thu, asinan himi hnatuan cu anmah pawl thil tuah thok tu tiin a thleng ih ruah hnakin a hlawhtling mi hnatuan ah a cang tiiin khal an sim. Himi thuthang cu Rome Reports thuthang ihsin kan don mi a si.

https://bit.ly/3FX1bs0