Lisbon ih leitlun huap mino pawl puai ah Nunphung, Biaknak lam le lehpannak zaten kom in phun 500 luan tuah ding. (July 24, 2023)

Lisbon ih leitlun huap mino pawl puai ah Nunphung, Biaknak lam le lehpannak zaten kom in phun 500 luan tuah ding. (July 24, 2023)

Concert  Awnmawi caanserh, lamnak le zuknung ihsin thuanthu cawnnak pawl le conference tiangin Lisbon ih WYD ni ah Poturguse khuapi  kiangkap in a bangaw lo mi hmunleram in nunphung le biaknak puai 500 luan hmuhnak an nei ding.

Lisbon khuapi le Loures, Almada, Amadora, Cascais, Oeiras le Torres Vedras pawl ih sipin (Municiple) ah a lak in zoh a theih ding.

August ni 1-6 tiang Pathian ih thatnak le a sersiam mi pawl ih mawi zia tetti khannak ah zuksuai thiam 2500 hrawngin can an hmang ding.

Hi mi puai cu sunlai hman ah a tawkfang in a mawi zet ding tiah Mino puaipi ih tuanvo neitu Claudia Lourenco in a rak sim. Kan mah pawl cu hi mino pawl puai ih rimlera, nuamnak le hngilh lonak puai pawl thawn hlamawknak thawn tamdeuh ih zaiter kan duh.

Ahrek khat puai ah Patio da Gale ih a um mi Fatima Experience' Lgreja da Graca ih Mother Theresa thawn pehpar mi pawl hmuhnak a um dingih  St.Anthony of Padua ih nunram thawn pehpar mi le Leiria Thawninn ih thawngtla mino pawl ih Mozart pawl ih caanserh hmannak khal a um ding.

Khuapi sungih Biakinn pawlah WYD ni ih hminthang mithianghlim pawl ih an rothil pawl khal an pholang ding. WYD ni ah khuasung lehpan zuamawk khal a um ding.

Portuguese Catholic University cu WYD hrangih volenteer pawl hrangih tumtah mi mikhual hmuahnak hmun pi an tuah ding. Puai sungih khawmzawh tu pawl bawmtu ding mino (nunau le mipa) zaten an mah caken tul mi pawl thawn thaten ngah dingah center ah an thleng zo. cui caken pawl in volunteer pawl, riantuan tu pawl le puai tuahnak ding hmun tinah luh theinak an pek ding a si. Hi mi thuthang cu SW  news ih ka don mi a si.

.