Loikaw Archbishop Stephen Tjiphe ih harhdamnak dinhmun December 6, 2020

 Loikaw Archbishop Stephen Tjiphe ih harhdamnak dinhmun

December 6, 2020

          Kum 2020, December 5, zarhte ni, zaanlam nazi 4:50 ah taksa lam harhdamlonak ruangah sibawi ih lamhmuhnak vekin Loikaw sizung ah kuat a si. Sizung a thlenah a thupi le besia dinhmun a si ruangah harhdamnak dinhmun cek bet nak, lungtah nak, dathman zuk nak pawl an rak tuah. Dathman zuk hlan ih a luak ruangah a lung a rak mit. Dathman zuk ih ngah mi result ruangah thinnuam lo nak a um. Bishop in zunthlumnat nak a nei cia ruangah a thi a thang ih a besia zet.

          Thinphang dinhmun zetin Pathian kut sungah ap a si. Puithiam pawl hnenin thianghlim sahriak an culh ih thla an cam sak. Sizung ih hnatuantu sibawi pawl, tamaadaw pawl le nurse pawl in a tha bik in an tuamhlawm rero lai asi. Bishop  Stephen Tjiphe ih harhdamnak dinhmun cu zianghman thei lo in tuamhlawm a si rero lai. Bishop Sotero Phamaw khal in a va veh bangin ramthen ih a cozah thawn pehpar mi pawl, veng pawlkom thawn pehpar mi u pa pawl, Puithiam pawl, Sister pawl, kohhranpi pawl le Bishop ih sungkhat pawl in an ra veh ih thla an rak cam sak.

          Bishop Stephen Tjiphe ih harhdamnak a ngah sal thei nak dingah an zuam rero lai asi. Harhdamnak zamrang ten a ngah sal thei nak dingah thla cam sak cio uh si. Mi pakhat ih thlacam sak nak pawl hrangah kan lungawi. Pathian in lo thlawsuah hram seh. Hi thuthang cu Christ the King, Loikaw ih kan ngah mi a si.

Rev. Fr. Philip Aung Kyaw