Lola ti-ih mi theih tam mi Pathian ih palai Floripes de Jesus cu kum 60 rei a mah te lawng Bawipai Thi le Sa thawn rak nung tu Brazilian mi a si. November 28, 2020

Lola ti-ih mi theih tam mi Pathian ih palai Floripes de Jesus cu kum 60 rei a mah te lawng Bawipai Thi le Sa thawn rak nung tu Brazilian mi a si.

November 28, 2020

         Lola cu 1913 ah Brazil ram ih Minas Gerais ramthen ah a rak suak. 7A kum 16 ah thingkung par in a rak tlak. Cu mi cu a nunram thleng nak ah a rak cang. A rilrawng, tihaal le ih hmu khal in a um lo.

 Ziangvek dam ternak khal that hnem nak a um lo tiin Lola ih thuhla tawi a social media ah tu bai te ih a rak tarlang tu Brazilian Puithiam Gabriel Vila Verde in a rak sim.Lola in nikhat ah a mah le mah thianhlim ternak, apawknak thawn tha a rak pe aw. Cu ti vekin kum 60 rei a nun khua a rak sak tiin Vila Verde in a rak sim.

         Cui hlei ah “sual cawh kuannak ah ih phah tel lo in caan reipi ihkhun ah a rak it,” tiah a rak sim.“Zumnak thawn a thianhlimnak a thanglian ter ih khawmzawhtu thawng za leng lo in a mah ton duh ah a inn ah an feh theu,” tiah Puithiam in a sim bet.

         A ngaingai ah cun 1950 hrawngih a khum mi khualtlawngtu pawl lethmat thut nak ca uk sungah thlakhat sung lawngah a hnenih va tlawng tu pawl cu minung 32, 980 an um. Vila Verde in a sim mi cu “Lola in cu vek thotho in a hnen ih a va leng tu pawl zaten a dil duh mi cu- sual thlah uh! Bawipai Thi le Sa sannak le thlakhat sungih Zarh hmaisabik ih tlawngkai ninga ni ih Biakkhawmnak cu Bawi Jesuih Thianghlim Thinlung upat nak thawn silhkhah uh,” ti a si.

         Mariana ih Archbishop Helvecio Gomes de Oliveira in mikhual pawl cohlannak cawl dingah le “daiten le mah te lawng umnak” nunram ih nuntu khuasa dingah Lola hnenih a dil mi cu a rak lungkim pi. Bishop in Lola khaan ih Bawipai Thi le Sa upat nak cu Missa raithawinak zarhkhat voikhat tuah nak hmun vekih tuah dingah a rak lungkim.Nitin Missa raithawinak cu minister pawl in an rak bawm tiah Vile Verde in a rak sim.

         Puithiam in a sim mi cu Lola in a nunram cu Puithiam pawl hrangih thlacam sak dingah le Bawi Jesuih Thianghlim Thinlung upat nak karhzai nak hrangah pum a pe aw tiah a sim bet. A mai a rak sim mi “I hawl duh tu pawl in Bawipai Thianghlim Thinlung sungah i hawl seh” tiih a sim nak ruangah a hmin a rak thang zet. Lola cu 1999, April thla ah a rak thi. A ruak vui nak ah Puithiam 22 le zumtu 12,000 an rak tel. A mah cu Pope Francis in 2005 ah Pathian ih riantuantu a palai ih a rak nemhnget mi a si.

        Hi thuthang cu CNA thuthang ih kan ngah mi a si.

Photo constesy of Mazur/catholicnews.org.uk

https://bit.ly/37Orm5j