Los Angeles Archbishop in kahnak ih tuahmawh a tuar tu pawl hrang thlacam sak dingah sim.

los_angeles.

Los Angeles Archbishop in kahnak ih tuahmawh a tuar tu pawl hrang thlacam sak dingah sim.

          Los Angeles (LA) Archdiocese ih Archbishop Jose H.Gomez Velasco in January 21, California ram Monterey Park, ballroon dance studio ih kap awknak ih mi 10 that tuar nak ruangah thla a cam sak. "Los Angeles Archdiocese ih Pathian ih innsang pawl thawn tuahmawh nak a tuar tu pawl hrang thla ka cam tiin Los Angeles ih Archbishop Jose H.Gomez in a sim. "Nunnak cem tu pawl le hliam tuar pawl hrang thla kan cam ih an innsang pawl hnen ah Pathian ih umpi nak ngah dingah kan dil" tiin January 22 ah Gomez in a sim. Archbishop in hliam tuar pawl dam ter dingah le anmah a kilkhawi tu siibawi le nurse pawl cak nak pe in kilkhawi dingah thla a cam.

          Los Angeles (LA) ih Archbishop in "Pathian in daan tuah mi pawl ah fimnak pe in kan community (pawlkom) pawl kilhim dingah" a sim bet. Archbishop in thinlung ah harsat tuar pawl, thinlung in tihnak nat nak tuar pawl hrang thla a cam sak. Archbishop Gomez in khuavang pawl ih siatsuahnak pawl hmu in Pathian ih duhdawtnak an thinlung in remdiahnak hrang thla a cam sak.

          Archbishop in Blessed Mother Mary ih thlacamsak nak a dil ih, an nat caan ah an nu si dingin le leitlun killi ih nat tuar tu pawl kilkhawi dingah thla a cam. California ram Monterey Park ah January 21 Lunar kumthar ah star ballram studio ih kap awk nak a cang mi a si. Mi 10 an that ih mipa 5, nunau 5 an tel. Mi pahra luan hliam an tuar ih 7 siizung ah tuamhlawm an si. LA county Sheriff Robert luna in methal kap nak vei 50 luan lai a cang tiin a sim.

          January 22, palik thunei tu pawl in meithal kap tu tiin an rinhleh mi cu a thil ri phur nak mawtaw ah meithal kah nak hliam thawn anunnak a cem tiin an sim. Luna in meithal kap tu cu kum 72 asimi Huu Can Tran tiin a zum. Luna in adang rinhleh an nei loih a kap tu khal theih fiang asilo. Montery park ah mi 60000 hrawng an um ih Asia mi an tam bik. Himi thuthang cu RVA thuthang ihsin kan don mi asi.

https://bit.ly/3J9CXQq

Add new comment

2 + 1 =