Los Angeles ih auxiliary Bishop Hacienda Heights ah kap that tuar

Los Angeles ih auxiliary Bishop Hacienda Heights ah kap that tuar

            Los Angelees Archdiocese ih auxiliary Bishop Diocese O'Connell (69) cu Feb 18, 1pm hrawngah thlanglam California ih Hacienda Heights ih innsungah thah a tuar. "Zingzoi tu pawl in Bishop innsung ih an hmuh nak khan pawl ah rinhleh ding pawl an zingzoi rero" tiin department ih thunei tu in a sim.

            Archbishop Jose H.Gomez in Bishop O'Connell ih nunnak cemnak a than nak ah "rinlopi ih amah kan sung cu thin a phang ter ih ka riahsiat daan khal a rel thiam lo" tiin a sim. A sim bet mi cu Puithiam tiin le Bishop a tuan hnu in in Los Angeles ah kum 45 rian a rak tuan. Bishop David cu Our Blessed Mother a duh zet tu a si.

            "Amah cu mifarah pawl le mi vakvai pawl thinlung tak ih duh tu le nitin nunnak ah thianhlim ten pawlkom dinnak hrang a zuam tu a si." Archbishop Gomez cu Bishop David thawn rualpi an siih, a ngaizet ding thu khal a ism. Archbishop in "mipawl hnenah Bishop David le Irish ih a sung khat pawl hrang thlacam sak dingah a forhfial. Vancung mi pawl in amah cu paradise ah hruai hram haiseh, Our Laday of Guadalupe in a duhdawt nak thawn pom hram seh, kumkhua hahdam ten cawl hramseh" tiin a sim.

            Glendy Perez in O'Connell cu mi tlaitluang mi a siih mi hmuahhmuah thawn nel aw zet in a um thiam. Amah thlah nak ih na tel asile dam nak laksawng na ngah ding, dam nak le zangfah nak a nei. Hacienda Heighs ih St.John Vianney ih sungtel Danna Maria in "Hi thil ka theih mi cu ka zum thei lo, cutivekin midang pawl khal hitluk hmun ah hivek a cang dah loih an mang a bang tiin a sim. 1953 ah Ireland ah a rak suak ih Dublin ih All Hallows College ih siangbawi tlawng a kai hnu 1979 ah Los Angeles Archdiocese ah Puithiam a cang.

            Los Angeles ah associate pastor tiin le Puithiam a tuan hnu in Parish a phunphun ah Pastor a tuan. Bishop David cu Pope Francis in 2015 ah Los Angeles Archdiocese ih auxiliary bishop tiin a hril. Inter-diocesan Southern California Immigration Task Force ih chairman tiin Bishop David cu mivai nauhak le innsang pawl tampi a bawm. Bishop cu Camarillo ih St.John's seminary in kan dung September ah Los Angeles pawlkom le kohhran hrang a rian a  tuan ruangah Evangeli Gaudium lak sawng an pe.

            Bishop David cu U.S. Conference of Catholic Bishops' Submimitee on the Catholic Campaign of Human development ah chairman tiin rian a tuan. Himi thuthang cu Vatican thuthang ihsin kan don mi a si.

https://bit.ly/3Y0dLQs