Luxembourg le Belgium ah Pope ih a Tuukhal khualtlawnnak ding Logo le thuluu suah. (June 25, 2024)

pope_tuukhal_khualtlannak_ding_hrangah_logo_le_motto_suah

Luxembourg le Belgium ah Pope ih a Tuukhal khualtlawnnak ding Logo le thuluu suah. (June 25, 2024)

Pope Francis ih Apostolic Journey (a tuukhal kualtlawnnak) ni a thlen hlanah Luxembourg le Belgium ih a tuukhal khual tlawnnak dinghrangah Vatican in official in thutlangpi le thuluu a rak suah.

Pope Francis cu Belgium, France le Germany pawl ih kulh mi European ram fate, Lexembourg ah September 26 ni, nikhat sung a tlawng ding.  

Hi mi atuukhal khual tlawnnak ah Pope Francis ih kut in a styl zet mi zuk a dunglam ah a um mi Notre Dame Cathedral kha thlasuah pe in a kut a thlir.

An hman mi rong pawl cu a eng le a rang a si ih a pawl zawng cu Luxembourg ih Catholic thuanthu ah thukzet in hram a toh mi Bawinu Marian an upatnak a duhsan ih a pawl zawng  cu Vatican thantar a ti duh sannak a si.

Atang vorhlam ah Apostolic Jouney ih thuluu ah "Pour Servir " a si ih Milai Fapa cu rianmi si loin mi riantu si dingah le mi tampi tlen dingah a nunnak pe dingin a ra a si,” ti mi a duhsan a si. (Mt 20:28) Curuangah Pathian ih tidaan thlun nak in Catholic Pawlpi cu miphun kim rian dingah a ko a si.

September 26 zanlam ah Pope Francis cu Luxembourg ram in a feh dingih a mai Tuukhal khualtlawnnak a hmun hnihnak a si mi Belgium ram ah a feh ding. Hi mi ah khuapi pathum a feh dingih Leuven le Louvain-la- Neuve Catholic University an dinnak kum 600 kim hngilhlonak caanserh ah a tel ding a si. Zarhpi sun September 29 ni ah Vatican ah a kir sal ding a si.

Hi mi a tlawnnak hrangih Logo ah kum bawngaw lo mi le a bangaw lo mi nunphung pawl , minung tampi ( a zawng phun kim in a aiawh mi) lamzin tan phah in Belgium ram zuk ih a laifannak ah Pope a um ih amah thawn an feh tlang ti mi a duhsan a si.

Apostolic Journey ih Motto cu a tanglam vekin a si. "En route, avec Esperance ' (Journeying in hope) ram ih thuanthu ah lamzin parih feh tlang dingih kawh kan a si ti lawng silo in Gospel thuthangtha, Khrih lampi a sinak cu kan hrangah ruahsannak a si ti hi asi. Hi mi thu hi vatican thuthang in a tawizawng in kan ngan mi a si. Thuthang in rak siarsak tu zate parah lungawinak tampi kan nei.

 

Add new comment

2 + 5 =