Lviv khuapi ih um Armenian Cathedral ih Bawi Jesuh zuk a himnak hmun ah thawn (March 07, 2022)

Lviv khuapi ih um Armenian Cathedral ih Bawi Jesuh zuk a himnak hmun ah thawn

(March 07, 2022)

         Tui a cang rero mi Russia ih raldonak ruangah Lviv khuapi ih um Armenian Cathedral ih Bawi Jesuh zuk cu a himnak hmun ah an thawn thu Twitter ah an tarlang. Hi thuthang le an thawn lai zuk cu March 05 ah an rak tarlang. Cui zuk cu minung panga in an ret nak phar ihsin harsa zet ih an rak lak theh hnu ah siat lo dingah phawh pawl thawn tha ten an tuam ih a retnak ding hmun ih kuat dingah tim an tuah rero. Hi zuk cu veihnihnak leitlun ralpi a can lai ah khal veikhat an rak thawn dah thu theih a si.

         Russia ralkap in Lviv khuapi sungah February 24, 2022 ah an rak do. Hi khuapi cu Ukraine ram ih nitlaknak lam ah a um. Ukraine ram ih nitlaknak lam khuapi tiin khal nemhnget a theih. Hi Cathedral Biakinnpi cu hmaisabiknak ah 1363 ah an rak sak. Biakinnpi tu le tu a rak kang. Ralbuainak tu le tu a rak tuar. Nunphung thawn pehpar ih rak cang mi thuanthu tampi a um. Cui Biakinnpi cu 1600-1945 tiang Armenian Catholic pawl Biakthawinak an tuah theunak Biakinnpi a si. 1945 veihnihnak leitlun ralpi a can hnu Soviet ram an din tikah cui Biakinn ih Bishop Dionizy Kajentanowicz cu kaih a rak tuar. Ziangah tile Soviet acozah in a mah cu Orthodox ih thawn dingah a duh lo nacing ih an timlam mi a rak el ruangah a si. Hi vek dinhmun ah Poland Armenian Catholic pawl cu Lviv khuapi, Poland ah an rak relh thluh.

         Lviv Armenian Catholic Archdiocese pi cu 1938 ihsin thok in Biakinnpi cu Bishop um lo in a rak um. Kum 2000 ah Ukraine Armenian Pawlpi in kilkhawi dingah tuanvo a rak lak. Asinan, Armenian Catholic mipi pawl in Biakthawinak tuah dingah hman theinak an rak nei.

         Hi thuthang cu CNA thuthang ih kan ngah mi a si.

https://bit.ly/3pOp53H