Mah ih a thianghlim mi daan in Pathian lang sar ter dingah Khristian pawl hnenah Pope Francis in a forhfial 20.5.2020

Mah ih a thianghlim mi daan in Pathian lang sar ter dingah Khristian pawl hnenah Pope Francis in a forhfial

20.5.2020

          Mah ih a thianghlim mi daan in Pathian lang sar ter dingah Khristian pawl hnenah Pope Francis in a forhfial ih Jesuh Khrist ih vancung kai puai tuah dingah timtuah caanah mah le mah Pathian hrangah  rintlak zet le siangzet ih pek mi Khrist ih dungthluntu sidingah le mah ih a thianghlim mi daan in Pathian lang sar ter dingah Pope Francis in mipi pawl hnenah sim phah in tha a pek a si.

          Kanmah pawl cu Jesuh Khrist ih vancung kai puai tha tho zetin tuah dingah timtuah rero caanah thih nak ihsin a tho sal mi Jesuh Khrist in remdaih nak, lungawi nak pawl cu nangmah le na inn sang pakhat ciar parah thleng hram seh tiin mirang tong a hmang tu zumtu pawl hnenah kartin mipi pawl thawn tonawk nak ah kan hnenah a um ringring ti ruat phahin, kanmah ih a thianghlim mi daan thawn Pathian lang sar ter dingah Khrist dungthluntu tha si dingah Pope in a forhfial a si.

          "Feh uhla miphun hmuahhmuh ka dungthluntu va siter uh. Pa le fapa le thiangthlarau hmin in baptisma va pe uh. Cule ka thu pek mi hmuahhmuah thlun dingin va zirh uh. Hngilh hlah uh, san a cem lai hlanlo nan hnenah ka um ringring ding,"tiah a ti. (Mt 28: 19-20) himi Bible catlang hi ruat khawm dingah Italian tong hmang tu pawl hnenah Pope in thih nak a neh tu Jesuh Khrist ih thawm huham in thiangthlarau ih tleu nak cu kan hnen ah lungawi nak keng tu si hram seh. Kan ruahsan nak ron thang ter aw.

          Jesuh Khrist ih a thawhsal nak thu ruangah duhdawt nak cu thih nak hnakin a hmun ringring ih kumkhua in a hmun ringring ding tiin thla a cam. Pope John Paul (II) ih kum zakhat kim suah ni sunglawi cu tuah rero asiih Pope Francis cu Polan tong a hmang mi zumtu pawl hnenah hitivekin tha zet in a thlah ta.

          Polan rammi a simi Pope John Paul (II) cu minung zaten duhdawt nak thawn ap ih kawhhran a duh tu zumnak a tum mi tuu khal tu tha pakhat asitu a theih ngah thu a sim.

          Pope ih thu luu asimi "kan zeizawngzaten" (Totus tuus) in kan harsat caanah kan nu Mary ih thlacam sak nak dil dingin, tha a pek. Kan nu Bawinu Mary hnen duhdawt lainat nak pek dingah "May" thla Pope Francis in May thla cu Bawinu Mary hnenah duhdawt nak lang ter nak ding thla a si ruangah nitin rosary cam in, Bawinu Maria hnen thla cam dingah a forhfial ih Bawinu Maria vekin Pathian cu rinsan ringring dingah khal Potoky tong hmang tu zumtu pawl hnenah thla a cam sak.

          Sersiam mi thil par ih a um mi Pathian, Pope in Jamani tong a hmang tu zumtu pawl hnenih a sim nakah Pawlpi ih Laudato si karsungah May thla 16 ihsin 24 tiang hminsin a siih kanmah pawl cu a danglam mi Pathain ih kut ih sersiam mi lakah Pathian ih thawm huham a tum nak kha kan zum. A mawi zet mi thil hmuahhmuah sungin lungawiten Pathian thangthat cu a famkimmi thinlung ih hnangam nak ngah thei nak ding hrangah kanmah in zangfah aw tiin Pope Francis in thla a cam a si.

https://bit.ly/2Xp10BG