An mai fa rori in a thihsan nan a nu in ngaithiamnak a lang ter mi mithmuh in a hmu tu pawl mangbang November 5, 2021

An mai fa rori in a thihsan nan a nu in ngaithiamnak a lang ter mi mithmuh in a hmu tu pawl mangbang

November 5, 2021

              Tlawngta nulepa pakhat in tlawngta pawl umnak hmunah mortaw thawn rin lo pi'n an feh sual ih tlawngta pakhat a thi. Cui tlawng cu Spain ramih khuapi Madrid khuapi ih Catholic nunau tlawng a si. Cui thinnat za thilcang cu thinhengnak thawn lehrulh ding hnakin zumnak famkim thawn a lehrul tu tuah daan cu an zaten an mang a bang ter.

              Cui thilcang cu tlawngkai ni li, Montealto tlawngah a cang. Tlawngta nulepa cu an mawtaw cawl dingih an tum laiah rin lo pi'n mawtaw a cang sual ih tlawngta pathum a pah ngah. Cui tlawngta pawl cu kum 12, 10, 5 mi an si. Anmah pathum lakah a nautabik a thi ih, a dang 2 cu thin phang za dinhmun ah an um. A thi tu tlawngta ih nu cu a fanu ih nunnak a khel ih, nasa zet in pom in a duh thu sim in tha a pek.

              Cui thil cang a hmu tu a dang tlanwngta pawl cu tlawngih thlarau lam Puithiam hnen tlan in thuhla an va sim. Puithiam khal tikcu khel in a thleng ih, Catholic Khristian pawl ih an nat besia tikah tuah theu mi damnak saramentu a tuah sak. Tlawngta nute vancung ram a feh rero lai  caanah cui naute nu in mawtaw a mawng tu nupa tei riahsia in a um tu cui naute nulepa hnen feh in tih lo dingah, thin phang lo dingah pom in tha zang a pe. Cangsualnak cu zanlam ah a si. Cui thil cang cu tlawngta pawl le nulepa pawl in an hmu.

              Montealto tlawngah Opus Dei ih Puithiam hnen thlarau lam a silhkhah sak tu Puithiam tiin ret a si. Kiangkap ih um tu pawl in thilcang an hmuh veten thenkhat in an tuamhlawm. Thenkhat cu mina phur nak mawtaw an ko. Thenkhat in a nai bik ih um siizung ah feh in siibawi pawl an ko.

              Cui thil a hmu tu nulepa pawl in cui thil cang tuar in nunnak a cem tu naute nulepa ih an leh rul nak zoh in an mang a bang. Cui thilcang a tuah sual tu tei mithmai langter ngam lo ding khop in a cang. Cuveten tlawngta nulepa le tlawngta pawl Rosary an cam. Madrid ih Archbishop in an fate a sung tu innsang hnen amah rori a riahsiat nak thu cangan in a kuat. Cangsual nak ruangah nunnak a cem tu naute hrangah riahsiat nak in tlawngkai ninga ah tlawng an pit. Kan zaten kan tuah sak thei mi cu thlacam nak lawng a si. Himi thuthang cu Aleteia thuthang ihsin kan don mi a si.

https://bit.ly/31KTmY6