Malaysia ih  Catholic Sr. pawl, Puithiam pawl in leitlun khuadeng pawl ih riantuan dingah sim.( June 15, 2023)

Malaysia ih  Catholic Sr. pawl, Puithiam pawl in leitlun khuadeng pawl ih riantuan dingah sim. (June 15, 2023)

          Pope Francis ih kawhnak ruat phah in, Malaysia ah hnatuan rero tu Catholic Sr. pawl le Puithiam pawl cu ram deng pawl ih riantuan dingah thukam an rak tuah bet. June 8-11 tiang Malaysia thlanglam ih um, Majodi Centre, Johor ramthen ih tuah mi hmaisabik Malaysia biaknak lam coference (MKA) ah hi ca a rak thleng. Malaysia religious congregation 28 ihsin ai-awh tu 190 cu cui program ah an rak tel.

          2026 ah the Malaysia Pastoral Convention hrang timtuahnak ah Pawlpi in thureltlangnak tampi ah a ko ding. Hi thureltlangnak hrang timtuah dingah, biaknak lam tlawng tinkim in innsungsang, Biakinn, nunphung, le ecology lam thawn pehpar in Aug, 2022 ah Biaknak lam hnatuan an rak thok. Thureltlangnak ih tumtahnak cu caanserh nili sung tuah mi cui thureltlangnak ih tel tu pawl ih sannak vekin an rak suah.

          Thu a simnak ah Penang diocese ih Bishop Sebatian Francis le the Catholic Bishops’ Conference of Malaysia, Singapore, and Brunei hruaikaitu in MRA cu synodal Pawlpi pakhat ih hmuh daan pakhat a si tiah an rak sim. Majodi Center ah, MPC cu Sep, 2026 ah an tuah ding. Rome in Oct, 2023-Oct, 2024 sung ah synod thuhla a tarlang ding. Pathian thawn pehtlaihnak an neih deuhdeuh vekin Pathian ih sersiam mi hnenah an duhdawtnak an langter thei ding. “MRA ih thiang Thlarau cu lilawn kan hril tikah a ra thleng ding,” tiah a rak sim bet.

          Southeast Asia’s Malaysia cu Muslim ram a si. Diocese 9 an then mi lak in Archdiocese 3 tel in Catholic miphun 11,73181 an um. Hi thuthang cu RVA thuthang ih kan don mi a si.