Mandalay St.Thomas Siangbawi tlawngah Facility Quarantine ni (21) a kim tu pawl mai inn ciar ah an tlung (July 6, 2020)

Mandalay Catholic Archdiocese ih St.Thomas Siangbawi tlawngah Facility Quarantine ni (21) a kim tu pawl mai inn ciar ah an tlung (July 6, 2020)

            (KMSS-MDY) Mandalay le acozah pawlkom awin din mi St.Thomas Siangbawi tlawngah Thailand ram ihsin a lut sal ih Facility Quarantine ni (21) sung fehvah nak rikhiah mi pawl mai inn ciar ah July ni 5, 6 le 7 ni ah an tlung.

            Anmah pawl cu St.Thomas Siangbawi tlawngah (15.6.2020) niih a lut thok mi pawl an si. St.Thomas tlawngah Thailand ram ihsin alut tu nunau (51) an um ih, anmah pawlih an hnar, an dang ihsin an chek khal ah an zaten covid-19 (negative) covid-19 an hmuh lo thu theih a si. A tu ah cun anmah pawl cu ni(21) a kimih an inn ciar ah tlung a ngah ih, an inn ah ni (7) sung Home Quarantine an tuah bet ding a si. Cutivekin Quarantine center ah acozah ih tuanvo nei tu harhdam nak hnatuan tu pawl, zung ih tuanvo nei tu pawl thawn Catholic kawhhran ih pumpek hnatuan tu vek in St.Aloysius Sister kaing ih Sr. Francisca Emanuel (3rd Councillor and Superior of St.Theresa's Convent, Thazi) Monywa ihsin Veronica Thet Thet Moe, Yua Taw ihsin Bosco Uk Soe Khant le Mandalay ihsin Kawng Si Tu pawlin duhsak nak thawn ap aw in hna an tuan.