Marian khawmzawhnak cu Bangladesh ram, Nobai Bottola Biakinn ah tuah.

marian_khawmzawhnak_cu_bangladesh_ram_nobai_bottola_biakinn_ah_tuah

Marian khawmzawhnak cu Bangladesh ram, Nobai Bottola Biakinn ah tuah.

          Bangladesh ram, Rajshahi Catholic Diocese ih um Mary Mother and Protectress Church, Nobai Bottola ah kumtin ten hminthang zet mi Marian khawmzawhnak cu Jan 16 ah an rak tuah. Thlarau lam timtuahnak dinhmun in Novena thlacamnak, phayawngtaing vannak, le Blessed Virgin Mary khawmzawhnak tuah hlan, Jan 7-15 tiang an rak tuah.

          Jan 16 ah, mipi pawl in “Thinglamtah lampi thlunnak’ le Rajshahi Diocese ih Bishop Gervas Rozario ih hohanak thawn Mass raithawinak ah an rak tel. Thuanthu vek a si le, Nobai Bottola ih kumtin tuah theu mi Marian khawmzawhnak cu 1971 ah “Protectress” humhimtu (Rokkhakarini Ma, in Bangla) dinhmun in kan Bawinu ih bomnak mansalnak ih tuah theu mi a si.

          Bishop Gervas Rozario in “Nov 8, 1971 ah Nobai Bottola khuate ah hngilhtheih lo mi mangbangza pakhat a rak um. Cui ni ah Bawinu Mary in Pak ih ramnawrtu pawl kut sung ihsin khua mipi pawl a rak run. Cui lai ah cui hmun ih mipi pawl in Bawinu Mary an rak rinsan zet,” tiah a rak sim bet.“Tui ni ah Baiwnu Mary kan thinlung sungih biaknak, zumnak, upatnak, thlacamnak le duhdawtnak langter dingah hi tawk ah kan tongaw khawm,” tiah Bishop Rozario in a rak sim. “Kan Bawinu cu ‘Protectress’ (Rokkhakarini) ‘humhimtu’ Maria dinhmun in kan mah thawn a um ih kan khawmzawhnak ah kan mah thawn a um ding,” tiah Bishop in a rak sim.

          Khawmzawhnak ih teltu, Martin Tudu in, “ka nun sungah Bawinu Mary hnenin thluasuah tampi ka rak ngah ih tihnungza phunzakip ihsin i run ih pulhnat caan ah I hum. Curuangah ka innsang thawn Bawinu Mary hnenih lungawi thu sim dingah hi khawmzawhnak ah kan tel,” tiah a rak sim. Marian hngetkhoh zet ih zumtu Filimina Palma in, “Bawinu Mary hnenah a thuk zet mi upatnak, zumnak le duhdawtnak ka nei. Curuangah hi khawmzawhnak ah Bawinu Mary upat dingah le ka lungawinak langter dingah ka tel,” tiin a thinlung sungih um mi a rak langter.

          Nobai Bottola Marian khawmzawhnak cu Bangladesh saklam, Rajshahi Diocese ih hminthang zet mi pakhat a si. Kumtin ten, cangvaihnak tuah in Rosary cam in phayawngtaing vannak le a dang Biaknak lam cangvaihnak pawl ih a tel tu mipi thawng za lenglo a hiip thei. Hi mi cu Bangladesh ram ih diocesan Marian khawmzawhnak hmun a si. Khawmzawhnak sungah, Christian pawl lawng si loin Muslim le Hindu pawl khal laksawng pe dingah tongaw khawm in an rat el ve. Puithiam 32, Congregation phunphun ihsin Sr. 25, le Marian khawmzawhnak uar zet mi mipi 8,000 hrawng Mass raithawinak ah an rak tel.

          Hi thuthang cu RVA ih kan ngah mi a si.

https://bit.ly/3H9HxwJ

Add new comment

11 + 1 =