Martyr asimi dungthluntu Mithianghlim Thomas ih kum 1950 kimnak tuah. (July 3, 2022)

Martyr asimi dungthluntu Mithianghlim Thomas ih kum 1950 kimnak tuah.

(July 3, 2022)

              Mithianghlim Thomas cu July 3, AD 72 ah Chennai kiang Chinnamala tlang fate ih lungkua ih thla a cam laiah thah a tuar ih a taksa cu Chennai ih Mylapore ah an phum. Kum 1521 ah India ih a thleng tu Portugal Pathian riantuan pawl in dungthluntu ih thlan cu Mylapore ah an hmu ih kum 1525 hrawngah hngilh lonak inn te an sak sak. A thuanthu ah amah cu fei thawn an that ih a thi a luannak hmun ah leilung thawn tuah mi thlan ah an phum.

              Bawi Jesuh ih dungthluntu hleihnih sungih pakhat asimi Mithianghlim Thomas cu AD 52 ah India ram a thleng ih Muziris, Kodungallur Kerala tlang ah a um. Kerala khuapi ih tikap ah Gospel thuthangtha a phuang. Anih cu Kohhran 7 asimi Kodungallur, Kottakavu, Palayur, Kollam, Kokamangalam, Niranam le Chayall pawl hnen in zumnak a ngah. Kerala ih Pathian thu a phuang hnuah Mithianghlim Thomas cu India ram ih nisuahnak lam tikap ah a thawn ih Timal Nadu timi Thamizhakam ah Gospel thuthangtha a phuang.

              Biaknak lam ruahnak luar pawl ih fei thawn sunnak in a nunnak a cem. Anmah pawl cu Mithianghlim Thomas India ram a um laiih rinhlelh mi pawl an si. A tha bik mi tetti cu Kerala ih Khristian pawlkom pawl an siih, kum zabi pakhat nak ih ummi pawl in hnget zet in an sim. Anmah pawl cu Thomas Khristian pawl asilole Nazranis, Nazarene thlun tu pawl tiin theih an si.

              Ziangasikhalle Pawlpi thuanthu zingzoi tu pawl in an lang ter suak ziangruangahtile sumdawnnak picang asimi Malalor  (hlanlai hmin in Kerala) le nisuahnak laifang karlak tipi thuanthum ram pawl asimi Rome tel in Christian Era a si hlan ah Mithianghlim Thomas cu kum zabi a pakhat nak lam ah India ih tlawng dingah a har lo thu an lang ter. Hlanlai khualtlawng Kohhran pacang pawl in India ah Thomas ih Pathian rian a tuan daan le India Khristian pawlkom in a tel nak pawl thu in thuhman pawl kan thei bet. Himi thuthang cu RVA thuthang ihsin kan don mi a si.

https://bit.ly/3Ascqtp